Lenkawl

Serchhip Chanmari Branch YMA te chuan an Branch YMA kum 50-na, Golden Jubilee chu nimin khan lawmin Lunglei West Bialtu MLA, T. Lalhlimpuia chuan khuallian niin a hmanpui a ni.

Kumin kumtir lam atanga Serchhip District-a ASF hri leng chuan ziaawm lam panin tunhnai ah Vawk thi leh Vawk suat a awm belh lo.

Serchhip District-a Common Service Centre (CSC)/Village Level Entrepreneur (VLE) te telna, CSC/VLE Society Serchhip District te chuan nimin khan Dawngzawl-a Serchhip District Park-ah General Body Meeting neiin ah pawl hruaitu thlanna an nei a. Hun hmasa lamah an President, Vanlalpekhlua kaihhruaiin hun hman a ni a, Report hrang hrang ngaihthlak a nih bakah District Manager (DM), Cht Changrenga chuan thu a sawi bawk a ni.

Ruihhlo ngai ten nun thar an neih leh theihna atana buatsaih, Hulhliap Short Stay Centre (SSC) Camping Batch kua (9) buatsaih nan cheng nuai 386.63 hman a ni a. Camp chhuak zinga 30% chuan ruihhlo hi an la nghei zel rih nia hriat a ni.

Mizoram chhunga sumdawnna kalpui zawng zawng ten dan leh hrai an zawm a, sumdawnna kalpuitu ten permit an neih ngai te an neih ngei theih nan Mizoram Merchant Association (MIMA) chuan dan zawm lova sumdawnna kalpui rinhlelhawm te enfiaha dan anga hma la tur Action Committee an din.

Mizoram-ah pawikhawih vanga man mi 12,958 te chu National Automated Fingerprint Identification System (NAFIS) hnuaiah chhinchiah ni tawhin Automated Fingerprint Identification System (AFIS) hnuaiah mi 5,982 chhinchhiah an ni tawh bawk.