Latest News

Tripura-a Bru hruaikir hna thawh \an a ni

Tripura Relief Camp a\anga Mizoram mi Bru te hruaikir hna chu nimin a\angin \an a ni a, Kaskau Camp-a awmte hruaikir tumna hi a hlawhtling dawn lutuk lo ni a thudawn a ni a, chhungkaw 6 an rawn let a, Bawrai lam a dah vek tur an ni.
Kaskau Camp a Mizoram Bru Displaced Peoples Forum (MBDPF) hruaitu A. Lalbiakthanga hnen a\anga thudawn danin, Mizoram sawrkar chuan Kaskau Camp a awm Bru te hruaikir tur hian ruahmanna engkim a peihfel a, Kaskau Camp a MBDPF Office chu Facitilation Centre-ah hman niin, Camp a awm Mizoram a kir duhte chu in-report tura hriattir an ni a, hetihlai hian nimin chawhma lam thleng khan Mizoram a kir duh inreport chhungkaw paruk (6) chiah an awm a, heng chhungkaw paruk te hi Bawrai leh Tumpanglui a awm tur an ni a, amaherawhchu heng chhungkaw paruk te hian hmun hran daih a awm an duh loh vangin Bawrai-ah hian an dah vek dawn nia hriat a ni.
Kaskau Camp-ah hian Mamit leh Kolasib District a hruaikir tur chhungkaw 522 an awm a, nimin-a hruaikir hnathawh a ni khatnaah hian kir duh tlem viau mah se Mizoram a hruaikir hnathawh hi November thla tawp thleng kalpui tur ala nih vangin Mizoram a kir duh hi an la awm mai thei niin Kaskau Camp a\anga thudawnna MBDPF hruaitu, A. Lalbiakthanga chuan a sawi. Bru hrukir thawh khatna ah hian Mizoram hnaih ber Kaskau Camp a\anga chhungkaw 522 a mi 3,425 te hruaikir tur an ni a, Kaskau Camp amite hruaikir hna hi Oct ni 10 a zawhfel hman tum a ni.

Comments

Popular News (Last 30 Days)