Union Home Minister in Mizoram rawn tlawhin NE Handloom and Handicrafts Exhibition a hawng

Union Home Minister, Amit Shah chuan Inrinni zan lehlangin Aizawl a rawn tlawh a, Chief Minister leh sawrkar mi pawimawh ten lo dawngsawngin North Eastern Council (NEC) buatsaiha Govt. Mizo High School Filed, Zarkawt-a North East Handloom and Handicrafts Exhibition neih chu a hawng nghal bawk.

Mizoram tlawhtu Union Home Minister hian BSF Thlawhna hmanga Lengpui Airport rawn thlengin Mizoram sawrkar-a Home Minister, Lalchamliana hovin sawrkar mi pawimawh ten an lo dawngsawng a, hemi hnu hian Helicopter in |huampui Helipad pan nghalin Chief Minister, Zoramthanga, Lok Sabha MP C. Lalrosanga, Chief Secretary Lalnunmawia Chuaungo, DGP SBK. Singh leh sawrkar mi pawimawh dangten an lo hmuak a. Helipad a\ang hian North East Handloom & Handicrafts Exhibition neihna hmun Govt. Mizo High School Field chu a pan nghal a ni.
Exhibition hawnna ah thusawiin Union Home Minister, Amit Shah, NEC Chairman ni bawk chuan India State te zinga State nuam leh mawi bera an sawi Mizoram a tlawh nuam a tih thu sawiin, Mizoram chuan India democracy ah dinhmun sang tak a chang a, tunhma in Mizoram chu rambuai leh tharum thawhna hmun a ni \hin a, mahse tunah chuan chung hun khirh leh hrehawm te chu kalsan tawhin ram ralmuang tak a ni tawh a, India ram mai nilo khawvel thleng pawhin muanna leh in unauna puang chhuaktu leh meichher chhi tu, ti a hriat lar a lo ni ta a ni, a ti.
Tualchhung dehchhuah leh thil siam “Handloom leh Handicrafts” ten hmarchhak bial a hmasawnna a thlen theih dan sawiin Amit Shah chuan, Handloom leh Handicrafts hmangin Mizoram mai nilo hmarchhak pumah nasa takin eizawnna kawng thar a inhawn belh thei a, hei hian mipui te anmahni kut leh ke a ding turin a pui thei dawn a ni, a ti a, hengte hian hmasawn turin theihna sang tak leh hmabak eng tak a nei nia a hmuh thu a sawi bawk. Prime Minister, Narendra Modi Sawrkar hmasa in mau, thing anga chhiar \hin chu Horticulture Product anga a thlak danglam hnuah a bial anga hlawkpui ber chu hmarchhak bial a nih a rin thu leh a beisei thu a sawi a, mau tamna hmun hmarchhak tan malsawmna a nih theih thu a tarlang bawk.
Union Home Minister chuan PM Modi-a kaihhruaina hnuaiah India hmarchhak chuan chak takin hmasawnna leh remna kawng a zawh tih sawiin, hemi atan hian Prime Minister pawh a inpumpek tlat tih a sawi bawk a. An term hmasa kum 5 chhungin nasa takin Mizoram-ah hma-sawnna a thleng nia sawiin, chung zingah chuan MW 60 pechhuak thei Tuirial Hydel Project te, Bairabi Rel kawng lian nena thlunzawm te, KM 158 a thui Kaladan Multi Modal Project te, Myanmar ramri dep khua Hnahlan, Vaphai, Zote leh hmun danga Border Haat siam te, cheng vbc. 51 senga sak Sainik School leh Project dangte a tarlang a. 13th Finance Commission in Mizoram tan cheng vbc. 19,974 a pek laiin an sawrkar hnua din 14th Finance Commission chuan Mizoram tan a hmasawnna hna hrang hrang thawh nan cheng vbc. 42,972 a pe tih a sawi bawk.
He hunah hian DoNER Minister, Jitendra Singh pawhin Amit Shah chuan Home Minister anih hnu thla 5 lek chhung in Mizoram a tlawh nghal tih sawiin, hei hi Mizoram leh state dang te an danglam zia a tarlang a ni, a ti a. State tenau, tlawh harsa leh hnufum bikte ten, state hmasawn dangte nena pheikhai rual taka hmasawnna kawng an zawh chu PM Modi kaihhruai sawrkar duh dan a ni tih sawiin, a ruala hma kan sawn loh chuan duh angin ram a \hang thei lo a ni, a ti bawk. He hunah hian Chief Minister, Zoramthanga pawhin thu sawiin sawrkar laipui puihna Mizoram in a mamawh thu te a sawi bawk.
North East Handloom and Handicrafts Exhibition hi NEC leh Mizoram Sawrkar \ang-kawp buatsaih niin October ni 8 thleng a awh dawn a, he exhibition ah hian Hmarchhak state hrang hrang kutchhuak phochhuah a ni.

Comments

Popular posts from this blog

PAN CARD an tih teh fo hi - Laldinpuia