Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Inter Village Volleyball Tournament khel \an

Mizoram pum huam, Inter Village Volleyball Tournament chu nimin khan khelh \an niin nizan hmasa khan he Tournament hawnna hi Art & Culture Minister, R. Lalzirliana hovin Aizawl Chanmari YMA Hall-ah neih a ni.
Tun thla ni 31 thleng neih tur Inter Village Volleyball Tournament hawnnaah hian Art & Culture Minister, R.Lalzirliana chuan Mizo \halaite tan sawrkar in nasa takin hmalak a tum thu leh infiamna lamah pawh tunhma a sawrkar in alo buatsaih \hin angin infiamna hrang hrang a inelna chu Sports Minister rawtna angin sawrkar in a buatsaih dawn tih a sawi a. Tun \uma inelna neih turah Mizo hlang telna team ten Inter Village Volleyball Tournament an khel tur chu lawmawm a tih thu leh a hmuhnawm zual a rin thu a sawi a. Hnamdang ten an tih leh an nih theih ang te Mizo infiammi te pawhin an theih thu sawiin, taksa enkawl uluk a \ul zia a sawi bawk a. Infiamna hi kan Kristianna nen inhmeh a nih avangin ei leh in thlenga fimkhur turin infiammi te a chah bawk.
Mizoram Volleyball Association buatsaih Inter Village Volleyball Tournament hi CK Hyundai sponsor niin, Mipa Team 52 leh Hmeichhia Team 18, an vaiin Team 70 an tel a ni.

Comments

Popular News (Last 30 Days)