Hnahthial District lawmna nei

Hnahthial District Celebration Committee buatsaihin nimin khan Hnahthial HBSC Ground No.1-ah Hnahthial District thar lawmna neih a ni a, he hun hi bialtu MLA leh Health Minister, Dr. R. Lalthangliana chuan khuallian niin a hman-pui a ni.
Hnahthial District lawmna hunah hian Dr. R. Lalthangliana chuan District thar awm theihna tura tha leh zung sengtute zawng zawng chungah lawmthu sawiin, kum tam tak tha thlah lova an beihna rah an seng tih a sawi a. Hnahthial District mipuite inkarah inlungrualna leh inpum-khatna \ha tak a awm chu lawmawm a tih thu sawiin, he District ti puitling tura theihtawp chhuahtu Mizoram Chief Minister, Zoramthanga leh Council of Ministers-te leh official-te chungah lawmthu a sawi bawk.
Nimin a Hnahthial District thar lawmna hun hi I&PR Minister, Lalruatkima leh HPC Vice Chairman, Lawmawma Tochhawng te pawhin an hmanpui a, chawhnu lamah intihhlimna neih a ni bawk.

Comments

Chhiar Hlawhte