Agriculture hian ngaih pawimawh a hlawh lo, Kan Buh thar a tlahniam chho mek - Dr. Mathlana

ZPM a\anga Independent-a MLA atana thlantlin Dr. Vanlalthlana chuan, “Mizoram mipui zaa 60 aia tam te innghahna Agriculture hian ngaih pawimawh a hlawh lo hle a, kan buh thar pawh a tlahniam chho mek a ni,” a ti.
Nimin a Aizawl-a ZPM Chhung Inkhawm ah Dr. Vanlalthlana hian he thu hi sawiin kan buh thar tlakhniam dan a sawi a. Kum 2000-2001 ah Hectare khat zelah Kg. 2000 thar niin kum 2017-2018 ah chuan Hectare khat zelah Kg. 1650 chauh kan thar theih thu sawiin, Agriculture Department pawimawh tak Research tih nana nuai 2 chauh dah a ni chu lungchhiat thlak a tih thu a sawi. “Kan Chief Minister in sawrkarna an chan hmasak \uma Agriculture Department a chan laia Budget Speech-ah pawh Crop Insurance a sawi vak laia state pum tana cheng nuai 5 chauh a dah ang kha a nih duh hmel,” tiin “Kan economy tipungtute hi mipui tam zawk khawih thil a ni tlat lo hi a veiawm hle a. Kan sawkar neih tawhte hian mipui tam zawk economy hi ngaihtuah se la, tun ang dinhmunah hian kan ding lovang,” a ti bawk.
Dr. Vanlalthlana chuan kan lo hal \hin aia kan motor khuin boruak a tihbawlhhlawh nasat zawk a rin thu sawiin, “Kan boruak chhiat thu hi kan sawi fo a, Motor Vehicles Act, 1988 Section 56 in Motor Fitness chungchang a tarlan anga motor te check a ni lova, Aizawl khawpui bikah pawh hmun 2 chauh motor khu test-na a awm a. Mechanic thiam takin motor khu test turte hi uluk takin check se hei ai hian boruak a thianghlim ngei ang,” a ti a. “Boruak thianghlim hip luh hi mipuite chanvo (right) a ni a, Motor nei ho hian dan ang thlap, dik takin Emmission Test paltlang vek se boruak thianghlim kan hip \heuh thei ang,” a ti bawk.
He hunah hian Lalduhoma MLA pawhin Union Home Minister, Amit Shah-a’n Mizoram NGO hruaitute hnena ILP tihchak a rawn sawi kha a lawmawm viau nain CAB an pass lui tho si a nih chuan Mizo hnam tan a him phah dawn chuang lo tih sawiin, “CAB leh ILP hian inkungkaihna a nei lo,” a ti a. “Mizo tlangval hlang awmna CRP Battalion din a sawi hmuh phei kha chu Recruitment Rules kalh tlat a ni a, thil theih a ni lo. Recruitment Rules kalha an la a nih pawhin Mizo te’n CAB kan duhlohna chhan Chakma foreigners, Buddhist sakhaw zuitute lo luhna ber Bangladesh border saw CRP duty-na area (hmun) a ni lo hrim hrim bawk. India sawrkar hian Burma Border-ah Assam Riflles a duty tir a, Tibet Border-ah Indo-Tibetan Border Police (ITBP), Bangladesh Border-ah chuan Border Security Force (BSF) te a duty tir a ni. CRP chu Internal Security atana din, Paramilitary Force an ni. CAB an pass lui a nih chuan Mizo tlangval hlang awmna CRP battalion engzat pawh din se Mizote kan him phah dawn chuang lo; kan himna tur ber chu Exemption (Telh/hman ve loh) hi a ni mai,” a ti bawk.

Comments

Chhiar Hlawhte