Lenkawl

Serchhip District chhunga awm Sailulak khua chuan nimin khan 'Sailulak Day' vawi 126-na hmangin he hun hi Agriculture Minister PC. Vanlalruata leh Bialtu MLA, Lalmuanpuia Punte te chuan an hmanpui a ni.

Serchhip Teachers' Association (STA) chuan nimin khan Assembly neiin zirlaite tana inelna an buatsaih thin, MLA Trophy-a zirlai tithate hnenah lawmman an sem nghal bawk.

Lawngtlai District Sangau khuaa Strawberry hlawhtling taka chingtu ZT. Lalrithangi chu United Nations peng, Food and Agriculture Organization (FAO)-in ‘100 Women Heroes in Agrifood Systems and Rural Development’ Award dawng tur a thlanchhuah zingah telin Mizo zingah hetiang Award dawng hmasa ber tur a ni a. Ram hrang hrang 131 atanga nomination 600 chuang thlankhawm zingah India ram atangin mi pahnih thlan an ni a. Lalrithangi hi India atanga thlanchhuah zinga mi pakhat niin, October 12-16, 2026 chhunga Rome, Italy-a FAO Headquarters-ah neih tur World Food Forum Event-ah Award dawng turin sawm a. Horti Fair, Mizoram 2026-ah Lawngtlai District atangin ‘Best Farmer’ atan thlan a ni tawh a ni.

Power & Electricity Department changtu Minister F. Rodingliana chuan Electric Smart Meter complaint runpui an buatsaih hun chhunga 1.62% chauhin complaint an thehlut chuan Smart Meter chu a rintlak tih a lantir nia a hriat thu a sawi.

Social Welfare Department leh Central YMA hruaitute chuan nimin khan Ruihhlo Dona atana inzirtirna neih dan tur an sawiho.

Nimin khan Chief Minister Lalduhoma hovin a Pisa-ah School Education Department-a thawktute dinhmun sawiho a ni a, sawrkar chuan zirna In hrang hrang tan Zirtirtu lak belh tura hma la mekin tun sawrkar kumah pawh hian Zirtirtu 369 la turin phalna pek a ni tawh.

Pathianni kalta tlai-a mi kut tuara boral ta Zakaria Lalhriattluanga thlavang hauhin nimin khan New Builum khawtlang mipuite chu Kolasib District Jail kawt-ah an pungkhawm a, he tualthihna avanga Police te'n an man mi 6 te chu an hmel hmuh an ng…

Nakum (2027)-a National Games vawi 39-na neih turah Mizoram chuan Weightlifting discipline thleng tura sawmna a dawn avangin nimin khan Sports & Youth Services Department changtu Minister Lalnghinglova Hmar hovin a Office-ah sawrkar mi pawimawh ten hemi chungchang hi an sawiho.

Baptist Church of Mizoram (BCM) chuan nimin khan Serkawn-a BCM Hqrs. Office-ah Kohhran Upa Exam Result 2026 a tichhuak a, Kumin hian Pastor Bial 69 atangin Kohhran Upa Exam thei mi 175 awmin, damlohna avang leh harsatna dang avanga Exam thei lo mi p…