Bru hruaikirtu tur ten Lunglei an chhuahsan

Tripura Bru Relief Camp a\anga Lunglei District-a Bru hruaikir tura ruat Official te chuan nimin zing khan Bru hruaikir hna thawk \an turin Lunglei an chhuahsan.

Lunglei District-a Bru hruaikir hna thawh hmasak berah hian Official, Supporting Staff, Security leh Driver-te nen an zavaiin mi 71 kalin Aizawl City Bus 19 hman a ni a. Heng mite hi Lunglei DC, K. Lalrinzuali chuan thlahin Bru Repatriation tura ruat te chu ram pum huap hna pawimawh thawk tur an nih avangin an mawhphurna a san zia hre nawn turin a chah a. Repatriation hna kalpuina ah zaidam leh dawhthei taka an mi hruai te enkawl tura chahin, Liaison Officer (LO) te chu a hmuna thil thleng pawimawh te rawn report zung zung tur leh harsatna an tawh palha thlen thuai tura chah bawk.

Lunglei District-ah hian Bru chhungkaw 364-a mi 2051 hruaikir tur niin Khakchangpara Camp a\angin chhungkaw 3, Hamsapara Camp a\angin chhungkaw 2, Naisingpara Camp a\angin chhungkaw 54 leh Hazacherra Camp a\angin chhungkaw 305 an ni a. Heng chhungkaw 364 te hi Lunglei District-a khaw pali- Putlungasih (chhungkaw 121), Chawilung S (chhungkaw 43), Dinthar (chhungkaw 187) leh Buknuam (chhungkaw 13) ah hruaikir an ni ang. Lunglei District-a Bru hruaikir hna hi thawh nga (5)-ah neih tum niin hruaikir hmasak ber te chuan Oct. 3-ah Naisingpara Camp an rawn chhuahsan dawn a ni.