Electoral Roll siam\hat hun tih danglam hret a ni

Election Commission of India ruahmanna anga Mizoram-a Electoral Roll enfiah hna thawh tura lo ruahman tawh chu remchan zawkna avangin tih danglam a ni a, thla thar Nov. 25 khian Integrated Draft Electoral Roll chu tarchhuah a ni ang.

Nakum January ni 1-a kum 18 tling chin te laa Electoral Roll Special Sumary Revision neih tura Election Commission of India in ruahmanna a lo siam tawh ah hian kumin September 3 a\ang khan Vote nei thei ten Electoral Roll-a an nihna tarlan a dik leh dikloh an enfiahna tur, Electoral Verification Programme (EVP) chu kalpui niin ruahman lawk ang chuan EVP hi September 30, 2019 thleng kalpuiin hemi hnu hian Electoral Roll Special Summary Revision hi neih zui tur a ni a. October 15, 2019-ah Integrated Draft Electoral Roll chu tlangzarh tura ruahman a ni a.

Amaherawh chu Election Commission hian Mizoram-a Electoral Verification Programme (EVP) kalpui mek leh Draft Roll tarchhuah hmaa thil tih tur \ul dang te tihna hun chu Nov. 18, 2019 thleng atan a rawn pawtsei a, hei vang hian Electoral Roll Special Summary Revision neih dan tur pawh hi tih danglam niin ruahmanna thar ang chuan thla thar Nov. 25 khian Integrated Draft Electoral Roll chu tarchhuah a ni dawn ta zawk a. Hemi ni a\ang hian sawisel duh leh siam-\hat ngai te tan dilna thehluhna hun hawngin heng te hi enfiaha tihtur \ul ang ang te tihfel a nih hnuah Final Electoral Roll chu nakum January 20-ah tarchhuah a ni ang.