Serchhip College-ah zirlai ten zirna leh kangmei zirho

Rashtriya Uchchatar Shiksha Abhiyan (RUSA) bultumin nimin khan Govt. Serchhip College-ah 'Career Counselling Programme' leh 'Short Term Course in Disaster Management -Fire Awareness Campaign & Training Programme' hman a ni.
College zirlaite khua leh tui \ha leh mi puitling leh hmantlak ni tur te, kawng hrang hrang ah midangte ta a malsawmna ni tur a chher-chhuah an nih theihna tura he zirhona Govt. Serchhip College HD Rosanga Multipurpose Hall-a hman hi Dr. Lalrintluanga Sailo, RUSA Co-ordinator chuan kaihhruaiin hun khatnaah College zirlaiten Zirna lama hlawhtlinna an neih ngei theihna tur leh mi hmantlak ni tur atana inbuatsaihna 'Career Counselling Programme' hman niin he hunah hian Dr. Zarzosanga, Associate Professor, Govt Serchhip College chu Resource Person atan hman a ni a, ani hian Zirna awmzia te, rintlak leh eizawnna tlaka Zirlaiten thiamna tak tak an neih ngei theih dan tur leh mi hmantlak an nih theih dan turte a zirtir a, Gender Equity chungchangah K. Laldinpuii, Associate Professor chuan zirtirna a pe bawk.
Hun hnihna ah 'Short Term Course in Disaster Management - Fire Awareness Campaign & Trainin Programme' hman niin he hunah hian Lalbiaksanga,Officer Incharge, Fire & Emergency Services Serchhip hnen a\angin Kangmei (Fire) nihphung leh kang\helh dan kalhmang te, rikrum thil a chetlak dan tur hrang hrangte zirtirna ngaihthlak niin Michael Zairemtluanga hnen a\angin chhiatrupna alo thlen hun a mitthi leh hliamte senghawi dan hrang hrang te, kang\helhna hmanrua (Fire Extinguisher) hrang hrang te hnathawh dan leh hman dan turte zirin a taka tihchhin nghal a ni bawk a. Dr. Christopher L. Hmar, Serchhip District Hospital hnen a\angin First Aid pek dan leh Mihring a harsatna thleng thut thei natna hrang hrang enkawl dan chung-chang zirtirna ngaihthlak a ni bawk.

Comments

Chhiar Hlawhte