Serchhip Bazar-ah Vawksa lei tur a awm mumallo; Inrinni dang aiin sa dang hralh a nuam zawk

Inrinni khan Serchhip Bazar-ah Vawk talh mumal a awmloh avangin Vawk sa lei tur a awm meuh lo a, hei vang hian Sa dang talhtute chuan nidang aiin an Sa zawrh hralh a nawm thu an sawi thung.
Ramchhungah Vawk natna hri len hlauhthawnna a awm avanga sawrkar in rampawn leh District dang a\anga Vawk lakluh khapna thupek a siam hnuah Mizoram pumah Vawk a vang tial tial a, Serchhip khawpui-ah pawh Vawk hi vang zelin Inrinni zing khan Serchhip Bazar-a Sa zawrhna hmunah Vawksa lei tur a awmlo a, Inrinni zing-a Veng penhleh \henkhata vawk sa zawrh \hin te pawh tun Inrinni kha chuan hmuh tur a awm meuh lo bawk a, a awm chhun erawh chu mipui ten an bawr nasa hle a ni. Tun Inrinni-a Serchhip Bazar-a Vawksa ser zawrhchhuah hmasak ber, chhunlai vel-a ser chu mipui ten an inchuh nasa in an inchanlo nasa hle a. Serchhip Bazar-a Sa ser \hin \henkhat te chuan Vawk lei tur a van avangin Vawk ser tur hi an neilo tih an sawi a, thingtlang lamah te pawh Vawk pum lei tur hi a vang sawt hle tih an sawi bawk. Serchhip Bazar-a Vawksa rep zuartute pawhin an mamawh khawp Vawksa rep tur an hmu meuhlo tih an sawi a, an neih ang ang te chu a man ti to chuang lovin an la hralh zel thu leh Vawk talh tur a van zel chuan zawrh tur an neilo thuai dawn nia a lan thu an sawi bawk.
Hetihlai hian Serchhip Bazar-a vawksa nilo, Sa dang zuartute chuan Vawksa a van avang hian nidang zawng aiin an Sa zawrh te hralh a nawm thu an sawi a, Serchhip Bazar-a Bawng talh \hin te chuan Inrinni zing khan Serchhip Bazar-ah Bawng 7 talh a nih thu sawiin, heng te hi tuk\huan eikham ah hralh zawh deuh vek niin a hnua Bawng dang pakhat an talh pawh chhunlai-ah chuan a zo leh hman vek a. Arsa zuartute pawhin nidang zawng aiin Arsa hralh a nuam thu sawiin, an mamawh ang Ar ser tur an la hmuh thu an sawi bawk. Phai Sangha zuartute pawhin nidang zawng aiin Sangha hralh a nawm thu an sawi bawk a, Dil Sangha an zawrh erawh nidang nen an hralh dan a danglam meuhlo tih an sawi bawk.

Comments

Popular posts from this blog

PAN CARD an tih teh fo hi - Laldinpuia