MSU General Conference P&E Minister in a hmanpui

Mizo Students’ Union (MSU) General Conference vawi 18-na chu nizan hmasa khan zawhfel niin he khawmpui-a Palai thlah zan hi P&E Minister, R. Lalzirliana chuan khuallian niin a hmanpui a ni.

MSU General Conference Palai thlahna hunah hian P&E Minister chuan MSU programme siam a Mizo hnam lam dik tak an entir chu lawmawm a tih thu sawiin, hnam lam leh thuam \henkhatte chu tunlai mila her danglam a tam thu a sawi a, Hnam ziarang humhalhna kawngah Hnam lam leh thuam te a dik taka vawn a pawimawh thu leh zirlaiten ngaihhlut nachang an hriat a tul thu a sawi bawk.

P&E Minister, R. Lalzirliana chuan leh-khathiam \angkailo, kut hnathawh hreh tawk vel leh Sawrkar hna chiah zawm tum a lehkha zir lo turin he huna kalkhawmte chu a fuih a, kan thiamna leh theihna te chu kan ram leh hnam leh khawtlang tan a \angkai a hmang \hin turin a fuih a. Zirlaite chu nu leh pa leh aia upate thu ngaihchan thiamte, hunbi vawn dikte, intodelh tum te leh hna thawhna a rinawm mi chu hlawh-tlinna an hmuh \hin thu a sawi bawk.

He hun hi bialtu MLA leh Supply Minister, K. Lalrinliana chuan Uaptu nia hmanpuiin zirlaite chu thiamna ziktluak, mahni bakah ram tana \angkai thiamna neih tum turin a chah a, “Ram leilung hausakna haichhuahna kawnga thiamna te leh khawvel hmun hrang hranga mite hip thei tur khawp a kan ram a hausakna kan neih te hi kan hman thiam a pawimawh a ni,” a ti a, chutiang kawnga ngaihtuahna senga hma la tur chuan zirlaite an pawimawh thu a sawi bawk.

MSU General Conference hian ni 2 leh zan thum awhin sawrkar mi pawimawh hrang hrang ten an hmanpui a, Rorelna hun hman niin Mizoram hmun hrang hrang a\angin MSU hruaitu leh zirlai \hahnem tak an tel a ni.