Brilliant Higher Secondary School, Serchhip in Bialtu MLA hovin Cultural Day an hmang

Brilliant Higher Secondary School, Serchhip chuan nimin khan an School Mual-ah Cultural Day an hmang a, he hun hi bialtu MLA, Lalduhoma chuan Khual |ha niin a hmanpui a ni.
Nimin a Brilliant HSS Serchhip in Cultural Day an hmanna ah hian Khual |ha, Lalduhoma chuan Brilliant HSS in Cultural Day hman nachang an hria chu \ha a tih thu sawiin, School naupang ten Khuallam hmanga an lo dawngsawng chu ropui a tih thu a sawi a. Pathian in khawvel hmun hrang hrangah mihringte min dah a, kan awmna mil zel turin hnam ziarang, \awng, zai leh lam dan chi hrang \heuh min pe tih sawiin, khawvel changkanna avangin heng kan Hnam ziarang te pawh hi a danglam ve hret hret zel a ni, a ti a. Kan Hnam ziarang danglam hret hret te humhalhna tur chikhat atana Brilliant HSS ten Cultural Day a hmang chu \ha a tih thu sawiin, Kristianna kawngah pawh kan Hnam ziarang mila Kristianna kan kalpui pawh a \ul tawh a ni, a ti a. Hnam ziarang mil lova Kristianna kalpui Hnam te chuan rei an daih loh thu sawiin, Mizo Hnam te pawh hian kan Hnam ziarang mil taka Pathian fak hi sual a ni lo a ni tih kan inzirtir a ngai hle tawh a ni, a ti bawk.
    He hunah hian bialtu MLA, Lalduhoma chuan Brilliant HSS chuan nasa takin hma a sawn zel tih pawh sawiin, hetih rual hian mamawh tam tak an la neih thu a ssawi a. Hemi kawnga hma lo latu School Managing Board te leh VC te chu fakin an hma lo lak tawhna ah lawmthu a sawi a, School in mamawh hrang hrang ala neih te chu a theihtawpa hma a lakpui tur thu sawiin thilpek Rs.20,000/- a hlan bawk.
    Nimin a Brilliant HSS in Cultural Day hmanna ah hian he School zirlai naupang ten zai leh lam an entir bakah Hla Do Chham, Chheihlam leh Mizo infiamna hrang hrang - Inkawibah, In Arpa sual, Insuknawr leh Inbuan hmangin inelna an nei bawk a. Chhawnghnawh hun te hmangin nilengin hun an hmang a ni

Comments

Chhiar Hlawhte