Integrated Tribal Development Project hawng

National Bank for Agriculture and Rural Development (NABARD) hnuaia Tribal Development Fund (TDF) sum a\anga Lawngtlai RD Block huamchhung khaw sawm (10)-a World Vision India (WVI), Chhimtuipui Area Development Programme-in mirethei leh harsa zawkte dawmkan nana an kalpui tur, Integrated Tribal Development Project chu nimin khan Lawngtlaia Central YLA Hall-ah Agriculture Minister, C. Lalrinsanga'n a hawng.
Integrated Tribal Development Project hawnna hunah hian Agriculture Minister chuan ITDP chuan ei leh bara intodelh tur te, sum dehchhuahna ngelnghet nei tur te, sum khawl tur leh vantlang hriselna atan te a zirtirna leh hmalakna hrang hrang a huam tel avangin hmasawnna tura mamawh a kim vek a, a kalpuina tur khua te leh Lawngtlai District pumpui tan pawh malsawmna ropui tak a nih dawn avangin a hlawhchham thiang lo tih a sawi bawk.
Integrated Tribal Development Project hi Tribal Community thlan bik khaw sawm (10) - Chawnhu, Mampui, Chawntlangpui, Sihtlangpui, Kawlchaw West, Kawlchaw East (Siaha District), Saikah, Paithar, R. Vanhne leh Rulkual-ah te kum 6 chhung kalpui a ni dawn a. He'ng khua te a chhungkaw 200 thlanchhuah niin, thei huan siam leh ranvulh hmanga eizawnna ngelnghet an neih theih nan hmalak a ni ang. He project hi World Vision India, Chhimtuipui ADP-in an enkawl dawn a, a kalpui nan hian cheng vbc. 1.7 ruahman a ni.

Comments

Chhiar Hlawhte