PMEGP Loan diltute tan Interview neih a ni

/
Nimin hawhma dar 11:00 a\ang khan Serchhip DC Conference Hall-ah Serchhip District chhunga Bank hrang hrang kaltlanga Prime Minister’s Employment Generation Programme (PMEGP) Loan dil tute interview neih a ni.
Serchhip District chhunga kumin atana PMEGP Loan diltute tana Interview bul \anna ah hian District Level Task Force Committee-a Chairman leh District Bawrhsap, Sangchhin Chinzah chuan PMEGP loan hmanga \halai hna neilo te chawikan tam tak an awm tawh chu lawmawm a tih thu a sawi a. Mi rinawm tam tak karah Loan rul \ha duhlo an lo awm \hin chuan loan pe chhuaktu Bank thuneitute a ti tawmim deuh nia lang \hin chu pawi a tih thu sawiin, Mizote chu hnam fel tak kan ni a, loan latute taima taka kan vil peih chuan \ha takin an rul thei em em ang tih beisei chunga rilru zau tak pu tur leh a theih ang anga loan pe chhuak \heuh turin Bank thuneitute a ngen a ni.
He hunah hian Elizabeth Lalremthangi, Functional Manager, District Industries Centre Serchhip chuan kumina- PMEGP loan an pek turah hian Trade hrang hrang 32-ah loan diltu mi 175 an awm thu a sawi a. Heng mite hi Interview Board Member te dawhkan hrang hrang 6 ah insem darhin interview an nei a ni a. Kumin hian kum hmasa lam aiin Serchhip District-a PMEGP Loan diltu hi nasa takin an pung a, nikum khan loan diltu hi mi 112 awmin nikum aia kumin-a PMEGP Loan diltu punna hi 63 zet a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »