State Games neih tur atan Serchhip Bial a inbuatsaih

Nimin khan Serchhip District Sports Committee leh Thenzawl Sports Committee chuan Joint Committee neiin Mizoram State Games neih tur atan Serchhip Constituency Sports Organising Committee an din.
Mizoram sawrkar in Mizo-ram State Games a buatsaih tur atana Serchhip District aiawha tel turte thlang tur leh a \ul anga hma la turin nimin khan Serchhip District Sports Committee (SDSC) leh Thenzawl Sports Committee hian Joint Committee chu SDSC Chairman, K. Tlangthanmawia kaihhruaiin a chenna In-ah an nei a. He Joint Meeting hian Mizoram State Games neih tur atana a \ul anga hma la tur hian Serchhip Constituency Sports Organising Committee chu dinin sawrkar in a ruahman sa angin he Committee-ah hian bialtu MLA, Lalduhoma chu Chairman nisa a ni.
Committee din thar ah hian Working Chairman atan Serchhip DRDA Project Director, H. Dolianbuaia chu ruatin Vice Chairman atan C. Biakchhawna (Boxing) leh C. Lalramchhana (Thenzawl Sports Committee) te ruat an ni a. Secretary atan Vanlalhruaia (Badminton), Joint Secretary-ah C. Laldinpuia (Volleyball) leh Sailianpuia (Thenzawl Sports Committee), Treasurer-ah Vanlalchanchin\hahrilmawia (Table Tennis) leh Fin. Secretary-ah Zolianmawia (Football) te ruat an ni.
Heng bakah hian Adviser atan H. Lal-thangzuala, PTS, Principal, V. Rozamliana, Prominent Citizen leh Thenzawl SDO (Civil) bakah Patron-ah Serchhip DC, Sangchhin Chinzah te ruat an ni bawk a. Committee Member atan Serchhip District Sports Committee-ah OB leh Member te, Buangpui leh Neihloh-a Games and Sports Association aiawh te, Serchhip Sub-Hqrs. YMA-a Sports and Recreation Committee-a Chairman bakah midang 7 ruat an ni bawk. Tar-lan tawh angin Mizoram State Games hi kumin December thla khian neih a ni dawn a ni.

Comments

Chhiar Hlawhte