Zote ‘S’ in Serchhip District-a awm lawmna an nei

Zote South khua chuan Serchhip District-a dah an nih lawmna nimin khan neiin Adviser to Chief Minister, C. Lalramzauva chuan khuallian niin a hmanpui.
Zote South Community Hall-a Zote South khua in Serchhip District-a dah an nih lawmna hunah hian Adviser to Chief Minister, C. Lalramzauva chuan mipui sawrkar-ah chuan sawrkar dik leh \ha taka a kal zel theih nan mipui ten kan ngaihdan leh duhna te sawrkar thuneitute hnena thlen kan hreh tur a ni lo tih sawiin, Zoramthanga kaihhruai MNF sawrkar chuan ram mipui hmasawnna tur policy a duan, SEDP chu a taka kalpui turin tunah hian Board hrang hrang 14 te an inbuatsaih mek thu leh hun reilote hnuah kalpui \an tum a nih thu a sawi a.Tuna kan sawrkar hian mipui sawrkar tak tak din a tumna kal zelah Party mi leh sa induhsakna hleihluak ang chi awm lo tih sawiin, hei hi tunhnaia MR zirtirtu laknaah pawh a lang nghal niin a sawi a. Sawrkar hmasain ram leh khawtlang tana thil \ha a lo tih laklawh tawh, an puitlin hman tak si loh ang chi te pawh tun sawrkar hian a chhunzawmin, hma a la mek zel nia sawiin, Thenzawl a Golf Course pawh tun thla ni 19 hian Central Minister-in a rawn hawng dawn a ni, a ti.
Adviser to Chief Minister chuan Zote khawtlangin Serchhip District-a awm an duhna thinlung chu fakin, hei hian sawrkar Office dawr kawngah leh chakkhai lam kawngah nasa takin an khawtlang chuan hma a sawn phaha a rin thu a sawi a. Zote South chu Mizoram khawvela mi chhuanawm leh mi challang tak tak te lo chhuah tawhna khua a nih angin inlungrualna \ha nen hma lam pan zel turin duhsakna a hlan a. Zote South District Boundary Demand Committee ten Chawmkai paltlanga Serchhip leh Zote South inkalpawhna kawngpui siam \ha tura an ngenna chu a hlawhtlin theih nana theihtawp chhuahpui a tum thu a sawi bawk.
Zote South khua in Serchhip District-a an awm lawmna hun hi an VCP, PL. Lalrinmawia chuan kaihruaiin District Boundary Demand Committee-a Secretary, H. Lalrintluanga report tarlan danin, Zote South khawtlang hian Serchhip District-a awm hi tun sawrkar thara thar thawh hluai an nih loh thu sawiin, kum 1997 daih tawh a\anga lo bei an nih thu leh he thilah hian Party Politics tel lo, khawtlang inlungrualin Committee dina hma la an nih thu a sawi bawk.
He hunah hian Serchhip DC Office a\angin SDC, Samuel Zodinsanga pawhin thu sawiin, Zote South khawtlang chu Serchhip District chuan a lo lawm hle a. Hmasawnna kawng hrang hrangah awlsam
zawk a thlen ngei a beisei thu a sawi a. Serchhip Sub-Hqrs. YMA Secretary, Lalrammawia pawhin thu a sawi bawk. Zote South khua hi kum 1907-a din niin tunah hian In 200 awma chhal a ni.

Comments

Popular posts from this blog

PAN CARD an tih teh fo hi - Laldinpuia