YMA in Health Deptt. a thawk te dan an tintuah

Serchhip Sub-Hqrs. YMA chuan Serchhip CMO Office-a Asst. Director (Food & Drug) sawnchhuahna Order chu sut (cancel) a nih loh chuan naktuk a\angin Serchhip-a Health Department-a thawk te Pisa kai tur dan nise an ti.

Serchhip Sub-Hqrs. YMA hian nimin tlai dar 3:00 khan Serchhip Sub-Hqrs. YMA Office-ah Extended Meeting neiin tun thla ni 16-a Mizoram sawrkar in Serchhip CMO Office-a Asst. Director (Food & Drug) sawnchhuahna Order tihchhuah sut a nih theih nana an hmalakna chungchang an sawiho a. He Transfer Order cancel tura sawrkar an ngenna in tun thlenga awmzia ala neih loh avangin he Transfer Order hi Vawiin, Oct. 28, 2019 (Thawh\anni) tlai dar 4:00 hma ngeia cancel turin Health Minister hnenah ngenna thlen leh nise an ti a. He an huntiam chhunga chhanna lawmawm an dawng lo a nih chuan naktuk a\angin Serchhip-a CMO Office-a thawk leh DMS-a thawk te Pisa kai tur dan nise an tih bakah Asst. Director (F&D) chhuak tur pawh hi dan nise an ti a. An ngenna in awmzia a nei lova ruihhlo dona kawnga thawktute kut phuar sak an nih dawn chuan hna thawk thei lova inngaiin Serchhip Sub-Hqrs. YMA hnuaia ruihhlo do hna thawktu, Sub-Hqrs. YMA Anti-Drug Squad (SADS) pawh \hiah nise an ti bawk.