Pathian khawngaihna zar a ni - Lal Thanhawla

Chief Minister hlui, Lal Thanhawla chuan nimin khan Aizawl Congress Bhavan-ah thu sawiin Pathian khawngaihna zarah thiam a chan thu a sawi.
Congress Bhavan Golden Hall-a inkhawm ah hian MNPCC President ni bawk Lal Thanhawla chuan MNF President, Zoramthanga’n jail tan tir ngei tumin kum 10 zet a bei tawh nia sawiin, “Thuhretu 40 chuang leh document thingrem khat an nei chungin Judge-in ka diklohna a hmu lo a. Rev. Zairema leh Pu Bualhranga ten Jail-a min tantir tumin nasa takin an bei chungin, ka diklohna Court-in a hre chuang lo. Tunah Pu Hriata Chhangte-in Jail-a mi tantir ngei tumin min bei leh a, mahse, Pathian khawngaihna a zarah thiam ka chang leh a. A zarah experience ropui tak neiin, Court chhunga thubuai neite an dintirna hmunah vawi 2/3 hial ka din phah a. Judge-in \hutna min pek a tum pawhin duh lovin, darkar 1 chuang ka ding a ni,” a ti. Hriata Chhangte chuan Central sawrkar hnuaia a thawh laia Mizorama lo chhuaha Department Head nih a ngen \uma a thawhpui turten an duh loh avanga tihhlawhtlin theih a nih tak loh chungchang leh Serchhip-a a u nen MLA Election-a vawi 3 ngawt an lo inkhin tawhna vangte a nih ngawt loh chuan mimal a mah a huat em emna chhan tur a hriat loh thu a sawi a. Hriata Chhangte u, College zirtirtu pawh Principal a nih theihna kawngah dodalna a siam duh miah loh thu leh transfer tura rawtna a awm pawha a phal loh zawk thu a sawi bawk.

Comments

Popular posts from this blog

PAN CARD an tih teh fo hi - Laldinpuia