Industrial Development Board \hutkhawm nei

Mizoram sawrkar hnuaia Industrial Development Board chu nimin khan an Chairman, Dr. R. Lalthangliana, Commerce and Industries Minister hovin Secretariat Conference Hall, MINECO- ah an \hukhawm.

He \hutkhawm ah hian Dr. R. Lalthangliana chuan Mizoram Sawrkar hmalakna SEDP hlawh-tlinna turin Board peng hrang hrang din a nih thu leh chak taka kal a \ul thu a sawi a. Kalphung leh ruangam dintu tur an nih angin member-te \hahnemngai turin a sawm bawk.

He Meeting-a ngaihtuah tura an chhawpchhuah zingah Mizoram Industrial Policy (MIP) ennawn chungchang a tel a. Kum 1989, 2000 leh 2012-ah MIP siam a lo nih tawh dan sawiin Board Vice Chairman, C. Ramhluna chuan GST a lo awm tak avang leh SEDP hmalakna avangin he Policy ennawn leh siam\hat chu sawrkarin \ul a tih thu a sawi a.MIP Drafting Committee ten Draft Policy an chhawpchhuah chu pharh niin member-te thla khat chhung zirchianna hun an inpe a ni.

Hei bakah hian Industrial Development Board kaltlanga SEDP \anpuina dawngtu tur thlan dan inkaihhruaina (criteria) thlirho a ni a. Hna leh eizawnna dil theih, mimal thiamna nei te tana SEDP hnuaia Trade hrang hrang dil theihte rawt ni bawkin chungte chu - Carpentry, Puan\hui, Beauticulture, Lumeh, Dawr siam (Grocery/Petty Shop), Thingpui dawr, Thirdeng, Pheikhawk siam, Electronic Repair, 2 Wheeler Workshop, Automobile Workshop, Steel Fabrication, Alluminium Works, Handloom leh Micro Enterprise pawimawh dangte a ni a. Heng Trade chhawp-chhuahte leh inkaihhruaina hi a thuphunga pawm a ni a. Mipui mamawh dan thlirin khaw hrang hrangah Beneficiary te thlanchhuah \an theih thuai ni tawh se, tiin meeting-ah hian rawtna a lut a ni.

Annual Action Plan of National Bamboo Mission 2018-2019 in a pawm tawh Industrial activities chungchang te, Industrial Development Board Chairman emaw Vice Chairman emaw kaihhruaina hnuaiah a kaihhnawih pawl hrang hrante nena inrawnkhawmna neih te, thlai thar sawngbawl dan kaihhnawih ah Food Processing Unit leh Farming Society te thawhpui dan zawn chungchang te pawh he Meeting-a ngaihtuah zingah hian a tel a. Baktawng Alluminium Utensil Cluster-a Common Facility Centre siamna tur sum mamawh cheng vbc. 4.85 chu State Level Project Steering Committee in a pawm tawh angin Mizoram in a doletna tur sum a tum theih nana State Sawrkara dilna thehluh chungchang pawh meeting-ah hian sawi a ni bawk. 10% Gross Budgetary Support a\anga Mizoram tan sum hailuh a nih theih nan Ministry of DoNER chuan Mizoram Sawrkara Commerce and Industries Department chu Thingpui leh Mau Sector-ah Project proposal siam turin a hriattir a ni.