Health Minister in ‘Centurion Vision System’ hawng

/
Health & Family Welfare Minister, Dr. R. Lalthangliana chuan niminpiah tlai khan Aizawl Dawrpui South-a Eye Care Centre-ah Mit zaina khawl an bun thar, ‘Centurion Vision System’ a hawng a, hemi hnu hian Eye Care Centre in an kum 20 tlin lawmna programme Hotel Floria-a buatsaih chu a hmanpui bawk.
He hun hmanna ah hian Health Minister chuan Eye Care Centre in kum sawmhnih lai Mizoram mipui tan thawkin tunah khawl thar \ha tak an neih belh leh chu a lawmpui thu leh Mit enkawlna kawngah Mizoram in bung thar a kai tih a sawi a. Health & Family Welfare Department hna thawh chu mipui tihdam a nih avangin Lal Isua rawngbawl nen pawh a in ang hle a chuvangin Health Department chu Department pawimawh tak a ni, tiin damlo enkawlna kawngah \awngkam nem leh dam in damlo te chak zawkin hma a sawn tir thei tih a sawi bawk.
Eye Care Centre hian an kum 20 tlin lawmna programme chi khat atan Hmarchhak (Guwahati leh Silchar) leh Kolkata a\angin Mit Doctor thiam (Eye Specialist) 5 sawmin, heng mithiam leh Mizoram Mit Doctor pawl, Ophthalmological Society of Mizoram te nen Mit \halo leh a natna enkawl leh tihdam chungchangah Scientific Session an hmang bawk a ni. 

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »