Adviser to Chief Minister in Serchhip-ah 21st Mizoram Chess Championship a hawng

Mizoram Chess Association leh Serchhip District Chess Association (SDCA) \angkawp in an buatsaih, 21st Mizoram Open Chess Championship-2019 chu nimin khan New Serchhip YMA Hall-ah neih \abn niin Adviser to CM, C. Lalramzauva chuan a hawng a ni.

21st Mizoram Open Chess Championship-2019 hawnna hunah hian Adviser to Chief Minister, C. Lalramzauva chuan khawvel hmasawnna hrang hrangte chu sipai chakna vanga awm ni lovin Thluak hmanga ngaihtuahna fim tak hmangtute avanga tun dinhmun thleng hi kan ni tih a sawi a. Chess Game-ah pawh Chess Board-a Square 64 hmangthiam apiangten Chess Game-ah khawvel an awp a, Chess hmanga khawvel awp turin pumraw len a ngai lova, chak a ngai lova, ngaihtuahna fim tak hmanga khelh chi a nih thu sawiin, “Chess Game hi rilru thluak sawizawina \ha tak leh Game dangdai tak, kut ben leh haw haw dur durna chi a ni lova, Chess Game khel te reng reng chu mi ti phut phut lo leh emotional tel lo, ngaihtuahna fim tak hmanga engkim hmachhawn \hin an ni tlangpui,” a ti a. Chess Game chu Mizote tan khelh chi tak a nih thu sawiin, “Physical emaw, hmel\hat emaw, pian thiam emaw a ngai lova, rilru/Thluak hmanga ngaihtuahna fim tak hman kha a tawk mai a ni,” tiin Mizote chu kan tih tawhah chuan chak loh tum bik lo, hnamdang hnuaichhiah tum kan nih \hin avangin, kan infuih thiam chuan Chess Game-ah pawh India ramah Mizote kan lan mai theih a beisei thu leh, Mizo zinga Grand Master awm ve thei ngei turin Chess hruaitute pawhin \an la se a duh thu a sawi bawk.

Serchhip District Chess Association President, Vanlalzarliana kaihhruai he hunah hian Khual zahawm Serchhip District Sports Committee Chairman, K. Tlangthanmawia pawhin Serchhip District Sports Committee hnuaia Association hrang hrang zingah District Chess Association chu hna thawk nasa leh hma la nasa ber pawl an nih thu sawiin, Pawl reng reng ah Pawl hruaitu ten an pawl kaihhruai aia anmahni intih lar an khel anih chuan pawl a chak ngai lo tih a sawi a. Serchhip leh Mizoram Chess Association te pawhin hruaitu \ha tak tak, mahni aia Chess dah lal, dah hmasa leh ngai pawimawh hruaitu an nei chu vanneihthlak a tih thu a sawi bawk.

He hunah hian Lalrinawma, Secretary, SDCA chuan report pe-in, Mizoram Chess Association a\anga he hun hmanpuitu Zosangluaia pawhin thu a sawi a. He Championship inbuatsaihna atana New Serchhip Chess Club-in Inrinni-a One Day Tournament an neihnaa boral ta, New Serchhip Chess Club Secretary nilai, K. Lal\anpuia sunna hun hman a ni bawk.

He Championship-ah hian Mizoram hmun hrang hrang a\angin Chess khel mi 50 chuang telin naktuk-ah zawhfel a ni ang.