Kangmei venna a hmalak dan thlirletna neih a ni

Champhai District Fire Prevention Committee chu nimin khan \hukhawmin kumin a Fire Prevention Week hman zawh tak thlirletna an nei.

Champhai District Bawrhsap leh District Fire Prevention Committee Chairman, Alexander V. Chongthu hova I&PR Conference Hall-a \hutkhawm ah hian District Bawrhsap chuan Champhai District in Mizoram a kangmei ven kawnga District ti\ha ber nihna a hauh mek chu chhuanawm a tih thu sawiin, hmahruaitu nihna chu vawngnunga thawhhona \ha zawk nen tun aia nasa zawka hmalak zel a ngai a ni, a ti a. Kangmei ven kawnga Committee pawimawh tak telpuitute chungah lawmthu sawiin, Member-te leh District mipuite chu lungrual taka thawhhopuiah a sawm bawk.

Satellite Mapping Data leh Forest Department Spot Verification-in a tarlan dan chuan  kumin chhung hian Mizorma-ah ram kang \um 111 awm tawhin ram Hectare 2883.35 a zau a kangral anga chhut a ni a. Ram kang tam ber hi Lo hal niin, \um 96 halah ram Hectare 2803.55 a kang a, Vau kangkai \um 6 awmin, ram Hectare 8.70 a zau a kang a, Ram palaileng kang \um 7 chhinchhiah vangin ram Hectare 21.10 a zau kanga chhut niin, Forest ram kang \um 2 awmah ram Hectare 50 a zau a kang bawk.