Swachhta Hi Seva hnuaiah YMA Chhang ten plastic bawlhhlawh an chharkhawm

Swachhta Hi Seva hnuaiah nimin zing khan Serchhip-a YMA Branch \henkhat a YMA Chhang te chuan Serchhip khawpui chhunga a huhova Plastic bawlhhlawh chharkhawm hna an thawk a, hetihlai hian YMA Chhang Faina Project hnuaiah Veng fai endik hna chu kalpui leh a ni bawk.
Sawrkar in Faina Faina kawnga hma a lakna kal mekah Serchhip-a UD&PA Department chuan nimin zing khan Serchhip-ah Swachhta Hi Seva hmangin Serchhip khawpui chhunga YMA Branch 6-a YMA Chhang te tan khawlaia Plastic bawlhhlawh chharkhawm hnatlang hi an nei a, he hnatlang hi hlawm hnih ah neih niin Branch 4- Serchhip Kawnpui North Branch, Chhim Veng Branch, Hmar Veng Branch leh Field Veng Branch-a YMA Chhang Member te chuan an Branch \heuh a\anga hnatlang neiin khawlai-a Plastic bawlhhlawh chharin Serchhip Bazar an pankhawm a, hei bakah hian New Serchhip Bazar Branch leh New Serchhip Venglai Branch-a YMA Chhang Member te chuan College Peng a\anga IOC Veng thlengin khawlai-a Plastic bawlh-hlawh chharfai hna an thawk bawk a, heng hnatlang ah hian mi 450 vel zet an thawkchhuak a ni.
Hetihlai hian UD&PA Department leh Serchip Sub-Hqrs. YMA in Serchhip khawpui chhung Faina tura YMA Chhang te kaltlanga hma an lakna, ‘YMA Chhang Faina Project-2019’ kal zelah Serchhip khawpui chhunga YMA Branch fai thlan hna chu kalpui leh a ni bawk a, ‘YMA Chhang Faina Project-2019’ hnuaiah hian kumin kumtir lam khan Serchhip Town chhunga YMA Branch hrang hrangte chu Faina kawngah inelin lawmman te pawh sem a lo ni tawh a, hemi hnu hian YMA Chhang ten Faina kawnga hma an lak zui zel dan chu enfiah leh niin heng Veng fai thlan-chhuah te hnenah hian Vawiin hian lawmman sem a ni ang.

Comments

Popular posts from this blog

PAN CARD an tih teh fo hi - Laldinpuia