Bru Relief Camp-a awm hruaikir mekah Chhungkaw 125 hruaikir an ni tawh

Tripura Relief Camp-a awm mi \henkhat ten Mizoram-a rawn kir duh mi \henkhat te an vau nia sawi a awm avang leh anmahni hruaikirtu turte an dan avangin Nilaini khan Tripura-ah Bru laklet mek chungchang hi sawiho a ni a. Hetihlai hian Inrinni thleng khan Bru chhungkaw 125 te chu Mizoram ah hruaikir an ni tawh thung.

Tun thla ni 3 a\anga Mizoram mi Tripura Bru Relief Camp-a awm mek chhungkaw 4,447 te Mizoram-a hruaikir hna thawh mekah hian Relief Camp a Tuikuk mi \henkhatin anmahni hruaikirna tura ruahman dodala Relief Camp a\anga Mizoram-a hruaikir duhte lo vau-a anmahni hruaitu tura Official kal turte pawh kawng laka an lo dan \hin avangin kar kalta Nilaini khan Ministry of Home Affairs chuan Agartala khawpui-ah inrawn-khawmna a buatsaih a. He huna tel tur hian Mizoram Home Department hotute pawh chawpchilh takin Helicopter-a phurh thlak an ni a. He inrawnkhawmna ah hian Ministry of Home Affairs-a Special Secretary (Internal Security), AP. Maheswari leh Official dangte, Mizoram leh Tripura Home Department hotute bakah Relief Camp-a Bru pawl hrang hrangte an tel a. Ministry leh state sawrkar lam chuan Bru hruaikir hna kalpui mek hi ruahman lawk angin November ni 30 thleng kalpui nise an ti a. Bru pawl hrang hrang hian an thil ngiatte an sawi chhuak na-in pawmsak a hlawh lem lo ni a thudawn a. Chu'ng zingah chuan Bru puala Autonomous District Council din pawh a tel nia thudawn a ni.

Hetihlai hian Tripura Relief Camp-a awm te hruakir hna hi ruahman anga thawh zui zel a ni thung a, Inrinni thleng khan chhungkaw 125 te chu Mizoram-ah hruaikir ni tawhin heng mite hi Mamit District mi leh sa chhungkaw 70, Kolasib District mi leh sa chhungkaw 7 leh Lunglei District a inbengbel tur chhungkaw 48 te an ni a. Inrinni khan Naisingpara-a Bru chhungkaw 3 leh Asapara-a chhungkaw pakhat-a mi 18 te chu anmahni thu a lokirin Kanhmun-ah an in report a, Zirtawpni pawh khan chhungkaw \henkhat chu anmahni thu in an kir nia thudawn a ni bawk.

Inrinni vek khan hruaikir hna thawh a ni lo chungin Kolasib District-a dah tur chhung-kaw 1 chu anmahni duhthu-in an lokir a, Lunglei District-a dah tur chhungkaw 42 te chu an awmna tur hmun thlenpui fel an ni tawh bawk.