Zanin a\angin North Vanlaiphai-ah YMA General Conference neih \an a ni dawn

Mizoram-a tlawmngai pawl lian ber Young Mizo Association (YMA) khawmpui lian, YMA General Conference vawi 72-na chu zanin a\ang hian North Vanlaiphai-a 'Chhurbura Run' ah neih \an a ni dawn a, Vawiin hian he khawmpui hmang tur Palai tam ber te chuan North Vanlaiphai hi an pan dawn a ni.

YMA General Conference vawi 72-na ah hian Thupui atan 'Ram leh Hnam humhalh' tih hmangin Chief Minister, Zoramthanga chu khuallian tura beisei niin naktuk zan-ah he khawmpui hi a hmanpui dawn a, he khawmpui-ah hian zanin hian Palai lawmna inkhawm chu Pandal-ah neiin bialtu MLA leh Home Minister ni bawk, Lalchamliana chuan he hun hi a hmanpui dawn a, Annual Report leh Finance Report te ngaihthlain Conference Souvenir pawh tlangzarh nghal a ni anga. Ramngaw leh nungcha humhalh leh Tuihna humhalh kawnga hma la \ha te bakah YMA Chanchinbu la \ha leh YMA Chanchinbu \ha thlanchhuah te hnenah lawmman sem a ni bawk ang. He khawmpui-ah hian naktuk ah khawmpui Palai ten ro relin naktip-ah Central YMA hruaitu thlanna neih nghal a ni dawn a, Ningani zan khian Palai thlahna neiin he khawmpui hi a \iak dawn a ni.

Kumin a YMA General Conference thleng tur hian North Vanlaiphai khua chu an inpeih fel tawh a, khawmpui neihna atan hian Pandal, 'Chhurbura Run' tia a hming vuah chu sak niin Pandal hi a dung ft. 150 leh a vâng ft. 120-a zau a sak niin mi 4000 vel leng tura beisei a ni a. Hei bakah hian Pandal leh a velah hian Office leh Dawr tur \hahnem tak sak a ni bawk. He khawmpui thlengtu tur North Vanlaiphai hi In 1000 vel awmna khua a ni a, chhungkaw tinte chu YMA General Conference an thlen turah hian hian nasa taka inbuatsaihin sawrkar thuneitute nen ei leh in bakah kawng hrang hrangah harsatna a thlen loh nan hma an la bawk a. Hei bakah hian sawrkar lam pawhin mipui ten harsatna an tawhlohna turin venhimna lam pawh \ha takin a ruahman a, venhimna hna thawk tur hian Serchhip a\ang pawhin Police \hahnem tak an kal dawn a ni.

North Vanlaiphai mipuite chuan YMA General Conference-ah hian Palai a tam thei ang ber kal turin Mizoram chhung leh pawna YMA member te an sàwm a, an khaw kawng pawh Fur leh |hal-ah lirthei eng chi pawh kal reng theihna a nih thu leh PWD lamin kawng chhe zual te GSB hmangin an hnawh thu an awi bawk. North Vanlaiphai khua hi Serchhip a\angin KM 60 vela hla a ni.