State pahnih inkara MST service turin hma la zel

Transport Minister, TJ. Lalnuntluanga chu Manipur-ah zinin Zirtawpni khan Mizoram-a Aizawl leh Manipur-a Lamka (Churachandpur) inkara Mizoram State Transport Bus tlan tur chungchangah Manipur Chief Minister, N. Biren Singh a kawm.
Manipur Chief Minister, N. Biren Singh a kawmna ah hian Transport Minister, TJ. Lalnuntluanga hi \ha taka lo dawng-sawngin inkawmna an nei a, Aizawl leh Chura-chandpur inkara Bus service chungchang ah Official te chu hma lo la nghal turin a hrilh a. Bus Service himna chungchangah pawh a \ul anga hma la turin Official-te a hrilh nghal bawk.
Hemi hnu hian TJ. Lalnuntluanga hi Lamka (Churachandpur)-ah kalin, Aizawl - Lamka MST Bus Station turte enin Mizo People Convention (MPC) Office-ah NGO-te nen inkawm-hona an nei a. He inkawmhonaah hian Minister chuan Zofate luah chin rama Zofate chu Mizoram sawrkar in a hrereng tih sawiin, “Lamka-a Zohnathlakte pawh hi kan hrereng che u tih in hriat ka duh a. Mizoram sawrkar chuan Hnam inpumkhatna atan kan theihtawpin hma kan la mek zel a ni,” a ti a. “Chief Minister zahawm tak Pu Zoramthanga hian Zohnahthlakte inkal-pawhna \ha neih leh kan inpumkhatna hi a ngai pawimawh em em a. Hemi atana hmalakna Bus service-tir pawh hi \ha a ti hle a, Bus leina tur pawh phal takin min ruahmansak a ni. Hetianga ram hruaitupa ber a inhuamna avang hian Zohnah-thlakte inpumkhatnaah nasa taka hma kan sawn ka ring a ni,” a ti.
Champhai South bialtu MLA ni bawk TJ. Lalnuntluanga hian Zokhawthar-a sumdawnna tihchangtlunna leh dan anga sumdawnna kalpui a nih theihna turin Integrated Check Post, Moreh, Manipur-a mi chu a tlawh nghal a. Custom lama an hotuten thil \ul angte lo hrilhin hmalak dan turte an sawiho nghal a. Moreh Branch YMA-te pawh a kawm bawk.

Comments

Chhiar Hlawhte