Latest News

Eirawngbawlna Gas chungchanga harsatna awm thei sukiang turin sawrkar in hma a la mek zel

Mizoram sawrkar-a Food, Civil Supplies & Consumer Affairs Department chuan thuchhuah siamin Indane Gas/LPG chungchanga harsatna chi hrang hrang awm theite sukiang turin FCS&CA Department chuan hma a la chho mek zel tih an tarlang.

Hemi chungchanga nimin a sawrkar thuchhuah in a tarlan danin Eirawngbawlna Indane Gas hi chhungtin mamawh leh a tel lova kan awm theih loh thil ‘essential commodities’ zinga pakhat a nih avangin mamawh khawp kan hmuh loh hian chhungkua zawng zawng a nghawngin nunphung a tibuai \hin a. Kan harsatna tawh chhan hi mipui pawhin an hriat tlan a ngaih thu leh kan zavaia thawk tlangin, a chinfel dan kawng Department-in a zawnnaah pawh kan \anrual zui zel a ngai tih an tarlang a. Indane Gas/LPG supply kan hmuh dan hi Food, Civil Supplies & Consumer Affairs Department chuan nitin fel taka chhinchhiahin, January, 2018 leh September, 2018 inkar chhunga Mizoram-in Indian Oil Corporation Ltd. (IOCL) a\anga Indane Gas/LPG kan dawn zat chu RGGLV tel lovin domestic cylinder 9,17,061 niin chawhrualin thla tin cylinder 1,01,896 dawng ziah ang kan ni a. Hetihlai hian January, 2019 a\anga September, 2019 thlenga Domestic Cylinder kan dawn zat chu 9,50,208 niin chawhrualin thla tin cylinder 1,05,579 dawng ang kan ni tih tarlangin, Mualkhang dai-a lei tawlh avanga kawng chhe chung pawhin kumin a kan dawn hi a tam zawk tih an tarlang.
Mizoram chhungah hian Indian Oil Corporation Ltd. hian regular category leh RGGLV category hnuaiah LPG distributor 57 leh active customer 2,92,139 nei mekin, Indian Oil Corporation Ltd. inkaihhruaina anga active customer awm zatin, LPG cylinder an dawn tur a\anga chhuta 70% tal, thla tin IOC Ltd. hian khel lova pe tur an nih lain, tun dinhmunah hian 40% pawh an rawn pe chhuak hlei thei lo niin an tarlang a. Hei hi chhan tam tak awm mah se I IOC Ltd. lam mawhphurhna a nih deuh ber a nih thu leh Mizoram Sawrkar hnuaia FCS&CA Department chuan IOC Ltd. lam hi \an la turin theihpatawpin a nawr reng tih an tarlang a a. Hemi chungchang hi Union Home Minister, Amit Shah lo zin pawh kha hrilh hriat niin, hma la tura ngenna leh hriattirna lehkha chu Chief Minister in pein chak taka bawhzui nghal a nih thu an tarlang bawk.
LPG chungchanga harsatna Mizoram-in kan tawhte sutkian dan tur ngaihtuah hian \um tam tak Meeting koh a nih tawh thu te, IOCL chauh nilo Oil Company dang an rawn luh theih nan ruahmanna siam a nih thu leh Gas Bottling Plant Mualkhang chauh nilo, Bottling plant lian zawk Railway kawng an ah neih tum a hma lak mek a nih thu te an tarlang bawk a. Gas Bottling Plant a\anga IOCL hnuaia phurtu (transporters) te phurh man hniam lutuk chuan harsatna tam tak a siam mek thu te pawh an tarlang a ni.

Comments

Popular News (Last 30 Days)