UN General Meeting-ah sawi

Zoram Thar hruaitu, Rev. Dr. Zaichhawna Hlawndo chuan Zofate hnam anga an din chhuah a, mahni ke a ding a, mahni a ro a inrel theihna tura an hmalakna te UN General Meeting-ah a sawi a, ram hrang hrang palaite chu Zofate inpumkhat theih nana an hmalakna thlawp turin a sawm tih a sawi.
Inrinni khan Aizawl Press Club ah thuthar lakhawmtute kawmin, Rev. Dr. Zaichhawna Hlawndo chuan thla hmasa, September ni 22 a\anga 27 chhunga UN General Meeting New York-a a tel chungchang a sawi a, Tual\o hnam puala thusawina huna a thusawi ah, Zofate rahbeh leh awpbeh an nih dan te, kum tam tak chhung ZORO ten UN-ah hnam nihna dinhmun an lo aupui tawh chunga Vawiin thlenga UN in Zofate tana a hmalakna mumal sawi tur an la neihloh thu te a sawi a, UN in dan mumal tak a neih hrang hrang tlawhchhanin Zofate hnam anga an din chhuah a, mahni a ro a inrel theih nana a rang lama hma la tura a ngenna thu te a sawi a ni.
Rev. Dr. Zaichhawna Hlawndo chuan Zofa zawng zawngte inpumkhat a, chibing indai-danna \hiat a, Sakhuana leh politics hmanga indona bansanin, hnam ropui Zofate, Kristian Hnam leh Kristian Ram, khawvel tieng tur kan ni tih hriat a ngai tih a sawi a, ram leh hnam leh sakhaw tluchhe mek dinthar a, UN, India, Myanmar leh Bangladesh ten min chinfel theih tura keimahni kan inchinfel hmasak a ngai a ni, a ti bawk.

Comments

Chhiar Hlawhte