Latest News

Chanchin thar thenkhat :

Lawmman lak lawmna nei

Sakawrdai Community Health Centre-in Damdawi In fai inelna leh lawmman dang an lak te chu Inrinni khan Sakawrdai-ah lawmin he hun hi School Education Minister, Lalchhandama Ralte chuan a hmanpui a, helai bial tana hmalakna hrang hrangte a tarlang bawk. Sakawrdai CHC lawmman lakte hi Kayakalp (Damdawiin fai leh tha) 2019-20 lawmman pakhatna; NHM Overall Performance Award ( PHC/CHC/SDH) 2019-20 lawmman pakhatna; Best Performing CHC Under Reproductive & Child Health (RHC) leh National Vector Borne Disease Control Programme lawmman pahnihna, Overall Performance Award (Main Centre, Sakawrdai) pathumna te a ni. 


Bird Flu laka Mizoram la him

AH&Vety Department hotute chuan tun-hnaia India ram State 10-a leng mek Bird Flu chu Mizoram-ah hmuh tur ala awmlo tih sawiin, tun-hnaia Kolasib District chhung, Kolasib chhehvel leh Bairabi vela Ar engemaw zat thihna pawh Ar thi te an Postmortem hnuah Bird Flu a ni lo tih an finfiah tih an sawi. AH&Vety Department hotute chuan State dang atanga Ar leh Ar chaw lakluh an khap lo nia sawiin, amaherawh chu Bird Flu lenna hmun atanga lakluh erawh phal a ni lo tih an sawi a. “Bird Flu lenna hmun atanga Ar, Ar note leh Ar chaw lakluh chu a rem lo a. State dang atanga lalut turte chuan an lakluhna tur hmun chiang taka ziakin Vety Department hriat-puina nen chauh lakluh theih a ni,” an ti bawk.


Lok Sabha MP in tlawh

Mizoram Lok Sabha MP, C.Lalrosanga chuan Inrinni khan Lawngtlai District chhung khawchhak lam-a India leh Myanmar insum-dawntawnna tur, Saisihchhuah chu a hmunah a tlawh a, India leh Myanmar inrina-a Lei dawh tur a hmun ah a en bakah helai inkalpawhna hi chak taka tihhlawhtlin a nih theih nana ruahmanna hrang hrang awm te a enfiah a, MP hian amah lo lawmtu Myanmar lam hotute pawh kawmin, hmalak dante a sawipui bawk.


Mampui Vety Farm tlawh

Lawngtlai District chhunga Mampui Vety Farm chu Inrinni zing khan AH&Vety Minister, Dr. K. Beichhua chuan tlawhin Artui awp keuna (Poultry Hatchery), Bawng vulhna (Calf Rearing Centre) leh Vawk note thar chhuahna (Piglet Multiplication Centre) te a en a, Mampui Vety Farm-a Vawk awm te PRRS avanga tihral vek a nih hnuah Vawk In te cheithain Vawk pawh dah leh thuai tum a nih thu a sawi. Mampui Vety Farm-ah hian November 2020 khan Poultry Hatchery-ah artui 960 awptirah 800 a keu a, Bawng note vulhna (Calf Rearing Farm)-ah Bawng 8 vulhin Bawngpui 6 an vulh mek bawk a ni.


Synod in FG&CC hawng thar

Mizoram Presbyterian Kohhran in Khaw-zawl-a Family Guidance & Counselling Centre an din chu nimin khan Mizoram Synod Moderator, Rev. Lalhlira chuan a hawng a, Synod in Mizoram-a FG&CC 9 an hawnna a ni.

Comments

Chhiar Hlawhte