Latest News

'National Handloom Expo 2020' neih tan a ni

ZOHANDCO buatsaih ni 3 chhung awh tur ‘National Handloom Expo-2020’ chu nimin khan Commerce & Industry Minister, Dr. R. Lalthangliana chuan Millenium Centre Rooftop-ah a hawng.

He Expo hawnna hunah hian Dr. R. Lalthangliana chuan Mizoram in vanneihna tak kan nei tih sawiin, chu chu kutthemthiamna lamah a nih thu a sawi a, “Kan ngaihtuahna hi a chak a, Handloom lamah pawh hma kan sawn zel a. Mahse, hmeichhe thuam a ni bik deuh zel rih,” a ti a, Handloom buaipuitu kalkhawmte chu kan hnam thuam te hma a sawna mawi lehzual, Mit la deuh, zawrh sum-a an lei duh ngei tura duang chhuak tura tan la turin a fuih bawk a. Mizorama kan eizawnna (economy) tak tak hi kan Handloom hmang hian thui tak kan khaichhuak thei-a a rin thu pawh sawiin, “Sawrkar kumthar lamah chuan mi, dingchhuak duh tak takte tan hmalakna awmze nei kalpui kan tum ang,” a ti bawk.

National Handloom Development Programme kaltlanga huaihawt ‘National Handloom Expo 2020’ hi nikum lama neih tur ni tawh mah se hri leng avanga buatsaih mai theih a nih tak loh avangin kumin hian buatsaih a ni a, Handloom leh Handicrafts lam zawrhna Stall 30 hawn a ni.

Comments

Chhiar Hlawhte