Faina kawnga inelna neih lawmman sem a ni

/

Serchhip khawpui chhung Faina kawnga inelna hrang hranga tithate hnenah nimin khan lawmman semna neiin VC Area fai berah Chhiahtlang North VC thlan an ni.

Nikum-a Faina Hapta hman a nih hnua Faina kawnga inelna hrang hrang neia tithate te hnena lawmman semna chu nimin-a Serchhip-a India Republic Day lawmna ah neih a ni a, Serchhip khawpui chhunga VC Area Fai thlanna neih ah Chhiahtlang North VC chu VC Area fai berah thlan niin Serchhip Chan-mari VC chu pahnihna an ni a, Serchhip-VI VC (Hmar Veng area) chuan lawmman pathumna an dawng bawk a ni. Office fai thlanna neih ah PHE Serchhip WATSAN Division chuan lawmman pakhatna dawngin District Child Protection Officer (DCPO) Office in lawmman pahnihna an dawng a, District Jail in lawmman pathumna an dawng bawk.

School fai thlanna neih ah PCR H/S in lawmman pakhatna dawngin Govt. M/S New Serchhip in lawmman pahnihna leh Little Flower Convent School in lawmman pathumna an dawng a. Damdawi In fai thlanna ah Mercy Hospital, Serchhip in lawmman pakhat dawngin District Hospital, Serchhip in lawmman pahnihna an dawng bawk.

Restaurant fai thlanna neih ah Om Om Cafe, Serchhip Bazar in lawmman pakhatna dawngin Emmanuel Restaurant, Serchhip Bazar in lawmman pahnihna leh RP Restaurant, IOC Veng in lawmman pathumna an dawng a. Hotel fai thlanna ah KH Hotel in lawmman pakhatna dawngin Jemela Hotel in lawmman pahnihna an dawng a, Market fai thlanna ah Chhiahtlang Bazar chuan lawmman pakhatna a la bawk.

Nimin-a Fai lawmman semna neih ah hian Faina kawnga thawk tha mimal pahnih te hnenah lawmman hlan niin R. Kapzauva, New Serchhip North VC leh Lalrinmawii, Chanmari Veng VC te chu chawimawina hlan an ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »