MPF OB thutkhawm nei

Nimin khan Mizoram Peoples Forum (MPF) Serchhip District Office Bearers (OB) chu Ser-chhip Sub-Hqrs. YMA Office-ah thukhawmin Serchhip bial-a Assembly by-election neih hun atana hmalak dan tur hrang hrang an sawiho.

Nimin a MPF Serchhip District OB thutkhawm hi an President, Rev. Zohmunmawia chuan a kaihruai a, Serchhip bial-a Assembly by-election neih tur thlir chungin January thla chhungin Presbyterian Kohhran Pastor ten an bial chhungah Local Forum lo dinpui se ti a ni.

MPF Serchhip District-ah hian Rev. Zohmunmawia (Presbyterian New Serchhip Bial) chu President niin Secretary-ah R. Sanghming-thanga (Serchhip Sub-Hqrs. YMA) a ni a, Vice President-ah mi pali awmin Joint Secretary-ah mi 2 leh Treasurer leh Fin. Secretary-ah mi pakhat ve ve an awm a, tlawmngai pawl (YMA, MZP, MHIP leh MUP) aiawh an tel laiin Kohhran lamah Presbyterian Kohhran aiawh chiah an tel a ni.