Latest News

Mizoram-ah COVID-19 hri kai mi 5 hmuh belh leh

Niminpiah khan Mizoram-ah Sample 1119 enfiah leh niin heng atang hian COVID-19 hri kai mi 5 hmuhchhuah leh an ni.

Niminpiah khan ZMC Laboratory-ah Sample 254 enfiah niin heng atang hian COVID-19 hri kai mi pakhat hmuhchhuah a ni a, tunhnaia State pawn atanga rawn haw leh inkhunghrang lai a ni. Niminpiah-a District hrang hrang TrueNat Laboratory-a Sample enfiah 121 atangin hri kai mi pakhat hmuh ni bawkin Lunglei District-a hri kai hmuhchhuah tunhnaia State pawn atanga rawn haw a ni bawk.

Niminpiah vek khan District hrang hrangah Rapid Antigen Test hmangin Sample 744 enfiah niin heng atang hian hri kai mi pathum hmuh an ni a, Aizawl Tuithiang Veng-a mi pakhat chu damdawi In-a inentir tura a kalna ah hri a kai tih hmuhchhuah niin Chaltlang-ah tunhnaia State pawn atanga rawn haw hri kai pakhat hmuhchhuah a ni bawk a, Siaha District-ah Hostel-a lut tur pakhat chu hri a kai tih hmuhchhuah a ni bawk.

Nimin khan Mizoram-a COVID-19 hri kai enkawl mi 10 te chu hri lakah fihlimin anmahni enkawlna hmun atanga chhuahtir leh an ni a, heti hian nimin tai dar 5:00 thleng khan Mizoram-a hri kai hmuh tawh 4334 atangin mi 4268 te enkawl dam ni tawhin hri kai enkawllai 57 an la awm a, hri kai zinga 98.71% te chu enkawl dam an ni tawh a ni.

Comments

Chhiar Hlawhte