Latest News

COVID-19 Hri danna pek tur chungchang sawihona nei

Nimin chawhnu khan District Level Task Force on COVID-19 Vaccination chu thukhawm in Vawiin atanga Serchhip District-a COVID-19 Vaccine pek tur chungchang hi an sawiho.

He thutkhawm Serchhip DC Meeting Hall-a neih hi an Chairman leh Serchhip District Bawrhsap, Kumar Abhishek chuan kaihruaiin Serchhip District-a COVID-19 vaccine pekchhuah tan a ni tur chu lawmawm a tih thu a sawi a. Sawrkar in ruahmanna a siam angin Frontline Workers te hnenah he vacccine hi pek hmasak tur a ni tih a sawi a. Hemi atana ruahmanna siam te sawiin, engkim fel taka kalpui a tul thu leh Security Duty te, Medical Duty te leh a dawngtu turte hriselna dinhmun hriat hmasakna (checklist) te duan vek a tul tih a tarlang bawk.

He hunah hian Serchhip CMO, Dr. Lal-dawngliana Sailo chuan Serchhip District a Vaccine pekna tur Centre an thlanchhuahte an buat-saih dan report a pe a, engkim peihfel a nih tawh thu leh a dawngtu tura thlante pawh Centre an thlen hun turte hrilh vek an nih tawh thu a sawi a. District Surveilance Officer, Dr. Lalhlunpuii pawhin Mizoram hmundang-a COVISHIELD Vaccine an pek chhuah tawh dan tlangpui report pein, COVISHIELD chu tuna India rama COVID-19 vaccine an pekchhuah pahnih zinga State tam zawk ten an hman mek a nih thu a sawi a. India ram state 23 ah he vaccine hi pek a nih thu a sawi bawk a ni.

Comments

Chhiar Hlawhte