IT Act-a thubuai ziahluh pung

Kum 5 kalta chhung khan Mizoram Police ten Information Technology (IT) Act hnuaiah thubuai 26 ziaklut tawhin IT Act hnuaia thubuai ziahluh hi a pung chho hret hret niin a lang.

Information Technology lamah khawvel a than chhoh mek laiin hemi hmansual kaihhnawih a thubuai ziahluh pawh Mizoram-ah a pung chho ve hret hret a, kum 2016 khan Mizoram-ah IT Act hnuaiah thubuai pakhat ziahluh awmin a kum leh kum 2017-ah thubuai 5 ziahluh leh a ni a, kum 2018-ah thubuai 7 ziahluh leh niin kum 2019-ah thubuai 6 leh kum kalta 2020-ah thubuai 7 ziahluh leh a ni bawk.

Nikum chhunga IT Act hnuaia thubuai ziahluh zingah hian Aizawl District-a thubuai ziahluh tam berin 5 ziahluh a ni a, Champhai leh Serchhip District-ah thubuai pakhat ve ve ziahluh a ni bawk. Nikum khan February thla ah thubuai pahnih ziahluh niin March, April, May leh June bakah August thla ah thubuai pakhat theuh ziahluh a ni bawk a, heng thubuai ziahluh te hi Social Media-a thu diklo thehdarh chungchang a ni ber tih kan thudawnna chuan a sawi bawk.

Police-te sawi dani, IT hmanga pawi-khawihna zawng zawng hi IT Act hnuaia rinluh a ni lem lo a, thenkhat chu case dang pek a ni thin a. Dawt thu thehdarh vanga man te pawh a case azirin IT Act ni lo case dang pekna tur chi a awm thin bawk a ni.