Latest News

Mizoram-ah COVID-19 hri kai 7 hmuh belh leh

Niminpiah-a Mizoram-a Sample enfiah atangin COVID-19 hri kai mi 7 hmuh belh leh an ni a, Mizoram-a hri kai hmuhchhuah chu 4310 an tling ta a ni.

Niminpiah khan ZMC Laboratory-ah Sample 356 enfiah niin heng atang hian COVID-19 hri kai mi 6 hmuhchhuah an ni a, an zinga mi 5 te chu tunhnaia State pawn atanga rawn lut niin midang pakhat hi Aizawl Saron Veng mi, tualchhung-a hri inkaichhawng a ni thung. Hei bakah hian Rapid Antigen Test hmanga Sample 380 enfiah atangin hri kai mi pakhat hmuhchhuah a ni bawk a, hri kai hmuhchhuah hi Lawngtlai District mi niin Hostel-a lut tur Sample enfiah atanga hri kai tih hmuhchhuah a ni a, hri a kaina hriat a ni lo thung. Niminpiah khan District hrang hranga TrueNat Laboratory-ah Sample 128 enfiah niin hri kai hmuhchhuah erawh an awmlo thung a ni.

Nimin khan Mizoram-a COVID-19 hri kai mi 5 te chu hri lakah fihlimin anmahni enkawlna hmun atanga chhuahtir leh an ni a, heti hian nimin tlai dar 5:00 thleng khan Mizoram-ah Sample enfiah 1,90,042 atangin COVID-19 hri kai 4310 hmuhchhuah ni tawhin Sample enfiah atanga zaa 2.27 te chuan hri an kai tawh a, hri kai zinga 4205 te chu enkawl dam ni tawhin hri kai za zela 97.56 te chu enkawl dam an ni tawh a, tunah hian hri kai enkawllai 96 la awmin hri kai zingah nunna chan mi 9 an awm tawh bawk a ni.

Comments

Chhiar Hlawhte