Mizoram-ah hri kai mi pakhat hmuh belh leh a ni

Niminpiah khan Mizoram-ah Sample 870 enfiah niin heng atang hian COVID-19 hri kai mi pakhat hmuhchhuah a ni.

Niminpiah-a Mizoram-a COVID-19 hri kai hmuhchhuah hi Rapid Antigen Test hmanga Sample 447 enfiah te atanga hri kai hmuhchhuah a ni a, amah hi Durtlang mi niin damdawi In-a a inentir tur chu hri a kai tih hmuhchhuah niin hri a kaina chhui zui nghal a ni bawk. Niminpiah khan ZMC Laboratory-ah Sample 354 enfiah niin District hrang hranga TrueNat Laboratory-ah Sample 69 enfiah a ni bawk a, heng atang hian hri kai hmuh erawh an awmlo thung a ni.

Nimin khan Mizoram-a COVID-19 hri kai mi  5 te chu anmahni enkawlna hmun atanga chhuahtir leh an ni thung a, heti hian nimin tlai dar 5:00 thleng khan Mizoram-ah Sample 2,05,242 enfiah atangin hri kai 4363 hmuhchhuah an ni tawh a, an zinga 4318 te chu enkawl dam ni tawhin hri kai hmuhchhuah atangin zaa 98.97 te chu enkawl dam an ni tawh a, tunah hian hri kai enkawllai 36 la awmin hri kai zingah nunna chan mi 9 an awm tawh bawk a ni.