Latest News

Hri lakah kan fimkhur zui zel a tul

Hri lakah kan fimkhur zui zel a tul

Khawvel in a buaipui, COVID-19 hri leng laka kan himna tura ngaih, COVID-19 Vaccine chu siamchhuah a nih hnuah Vawiin hian Serchhip District-ah pawh a thawhkhatna atan hri danna dawng tura thlan te hnenah pek tan a ni dawn ta a. Hri leng avang hian Mizoram mai ni lo, Khawvel in harsatna nasa tak a tawk a, hri leng a reh hun leh hri danna siamchhuah hun tur chu mipui ten nghakhlel taka kan thlir a ni a, chutiang kara hri danna siamchhuah a ni leh kan District-ah ngei pawh hri danna pekchhuah a ni dawn ta hi a lawm-awm hle a ni.

Kan hriat angin COVID-19 hri danna hi pekchhuah ni dawn mah se mipui nawlpui ten kan dawn theih hun tur erawh hriat theih ala ni lo thung a, tunah hian hri dona kawnga thawk ten dawng hmasa in hemi hnu hian kum upa leh natna benvawn nei ten an dawng ve leh phawt dawn a, hei vang hian hri laka kan him theihna tura mitin ten keimahni theuha hma kan lo lak vena thin, Hmai leh hmui tuamna hman te, Kut silfai te leh midang nena inhnaih a awm loh te erawh kan kalsan ala remlo tih kan hriat a pawimawh hle mai a, a hma aia kan fimkhur deuh deuh te pawh ala tul zawk hial awm e.

COVID-19 hri leng hi a tira kan hriat fuh tawkloh vang te pawh a niang, mipui ten kan hlau hle a, amaherawh chu a natna kai dan te kan hriat bakah mi hriselte tan chuan hri an kai palh pawhin awlsam taka enkawl dam theih nia a lan avangin kan hlauh dan a tlahniam sawt ta viau niin a lang a. Chutih-rual chuan he hri hi awlsam tak inkaichhawn theih leh mi tam takin nunna an lo chan phah tawhna a ni tih hre rengin mipuite hi hri kai lo tura kan fimkhur zui ala tul hle a ni.

Comments

Chhiar Hlawhte