Latest News

Hri kai mi 62 hmuh belh leh

Nimin khan Serchhip District-ah COVID-19 hri kai mi 62 zet hmuhchhuah belh leh an ni a, hri kai hmuhchhuah thar zinga a tam zawk te hi Serchhip khawpui chhung ami te niin Khaw-bel-ah mi 13 hmuh belh an ni a, Thenzawl-ah pawh hri kai pakhat hmuh a ni bawk.

Minister Dr. R. Lalthangliana'n Saisihchhuah tlawh

Commerce & Industries Minister, Dr. R. Lalthangliana chuan Inrinni khan India leh Myanmar ramri-a insumdawntawnna tura ruahman Saisihchhuah Border Haat chu a tlawh.

Helai hmun a tlawhna ah hian Commerce & Industries Minister, Dr. R. Lalthangliana chuan Saisihchhuah Border Haat a ram pahnihte insumdawn tawnna tura hmalakna kal mek chu Economy-a Mizoram chawikang thei tur rahbi pawimawh tak la ni mai tur a ni tih sawiin, mipui te chhawr theih hun a nghahhlelh awm hle tawh tih a sawi a. Hmachhawp awm mek, inkalpawhna Lei dawh leh hmalakna tur la awm te chak zawk a bawhzui a nih theih nan Sawrkar Laipui lam mai bakah Myanmar Sawrkar hotute pawh a theih dan angin a rang lama sawipui a tum thu a sawi bawk.

Health Department changtu ni bawk Dr. R. Lalthangliana chuan COVID-19 hrileng mek chungchang sawiin, COVID-19 hrileng dolet kawngah Mizoram chu India State zinga titha ber kan ni tih sawiin, State dangte nena khaikhinin COVID-19 vanga thi tlemna ber state kan ni bawk chu a lawmawm takzet tih a sawi a. Hei hi Mizoram mipuite kan zavaia tan tlanna rah a ni tih sawiin, “Kan phak tawk leh tlin tawkah mimal, pawl, Kohhran, Sawrkar leh mipui ten lungrual tak leh theihtawp chhuaha kan beih tlanna leh theihtawpa Lalpa kan auhna hi Pathian in min chhang a ni,” a ti bawk. Helai hmun a tlawhna ah hian Dr. R. Lalthangliana hi Health & Family Welfare Board Vice Chairman, Dr. ZR. Thiamsanga MLA leh mi dangten an tawiawm a ni.

Comments

Chhiar Hlawhte