Latest News

Hri leng vanga rawn haw te tan Training nei tan

COVID-19 hri leng avanga phai leh hmun dang atanga hnathawhna rawn kalsana Mizo-ram-a rawn let te tana Entrepreneurship chungchang zirtirna chu nimin khan Serchhip-a I&PR Conference Hall-ah neih tan a ni.

Serchhip District Industries Centre bultuma Entrepreneurship Development Programme Training for Returned Migrant Workers, Serchhip District hi Serchhip District Industries Centre-a Functional Manager, Elizabeth Lalremthangi Hmar chuan hmanpuiin he training-a tel turte inlawmna thu a sawi a, CO-VID-19 avangin hmun hrang hranga hnathawka kal chhuakte an rawn haw khawm a, hripui leng a reh mai loh avangin an hnathawnna hmuna let leh mai a lo harsa a, hnathawh tur nei lovin tunah an awm mek hlawm a. Heng kan thalaiten helam a an awm chhunga eizawnna an din emaw, an dap theihna tura kawng kawhhmuh chu he trainingin a tum ber a anih thu a sawi a ni.

Hemi hnu hian Dr. Johnathan Lalnun-siama, Assistant Professor, Govt. Serchhip College leh Master Trainer chuan he huna tel te hi thupui hrang hrang hmangin zirtirna a pek bakah zawhna leh chhanna hun te hman a ni bawk a.  Ni 3 chhung awh tur he training hi naktuk khian District Bawrhsap hovin a kharna hun hman a ni ang. Serchhip District-a EDP Training for Migrant Workers-a tel tur hian mi 22 an inziaklut a, Vawiin a training-ah hian mi 13 an tel a ni.

Comments

Chhiar Hlawhte