Latest News

Tuichangral-a kawngpui laih hna thawh mek enfiah

Chekawn to N. Vanlaiphai leh Artahkawn to N. Vanlaiphai kawng laih zauh hna thawh mek chu nimin khan Central YMA hruaitute leh Tuichangral South Group YMA hruaituten a hmunah kalin an en ho.

Tuichangral tlangdung a kawng laih hnathawk mek entu Central YMA Team te hi Central YMA Fin. Secretary, Fabian Lalfak-awma chuan hovin Tuichangral South Group YMA hruaituten Chekawn-ah an lo dawngsawng a, kawnglaih zau hnathawh meka hnathawh thalo lai leh a nih tur ang ni phalo te, hnathawh kal mek leh hmahchhawp te en in, siamthat ngai laite pawh kawnglaih hna thawktu Contractor ten nen a hmunah hian sawiho nghal a ni.

KM 21-a thui Chekawn to North Van-laiphai kawnglaih hna hi LZ Construction ten thawkin, nikum 2020 December thla a kawng-laih hna hi zawhfel tawh tura ruahman nimahse, North Vanlaiphai khua in kum 2019 October thla a YMA General Conference an dawn avangin thla 5 chhung vel chu kawnglaih hna hi chawlh-san laikawk a ni a, tunah hian arang thei ang ber a zo turin ngawrh taka hna thawh chhoh leh mek a ni a. Hetilai hian KM 16 a thui Artahkawn to N.Vanlaiphai kawng laih hna thawktute hi M/s Bhavia Construction te niin kumin June ni 24-a zawhfel hman tur a ruahman a ni.

Central YMA hian kum 2018-a PWD nen thawhhona thuthlung an lo ziah tawh bawh-zuiin Mizoram hmun hrang hranga kawng siam enfiah hna hi an thawk mek a, nimin khan Ser-chhip District-a heng kawng pahnih te bakah hian Ngaizawl - Tualpui, Bairabi - Meidum - Zero Point - Vairengte, Phullen kawngpui leh Sialsuk - Sailam kawng te tlawhin a siam hna thawk tura thlan Contractor te ngeiin an thawk em tih leh, huntiam chhunga an tawh zawh turin hna thawh a ni em tih te an enfiah a. Thuneitute leh hnathawktu te chu ram tana rotling siam tur leh dik leh fel taka hma la turin an ngen a ni.

Comments

Chhiar Hlawhte