Mizoram hri kai thar awmlo; Mi 9 dam thung

Niminpiah khan Mizoram-ah Sample 120 enfiah niin hri kai hmuh thar an awmlo. Niminpiah (Pathianni) khan District hrang hranga TrueNat Laboratory-ah Sample 45 enfiah niin Rapid Antigen Test hmangin Sample 75 enfiah a ni bawk a, heng Sample enfiah te atang hian hri kai hmuhchhuah an awm lova, ZMC Laboratory chu khar a nih avangin Sample enfiah a awmlo thung a ni.

Hetihlai hian nimin khan Mizoram-a COVID-19 hri kai mi 9 te chu hri laka an fihlim avangin anmahni enkawlna hmun atanga chhuah-tir an ni a, heti hian nimin thleng khan Mizoram-a hri kai hmuhchhuah chu 4351 niin heng zinga 4289 te chu enkawl dam an ni tawh a, Mizoram-a hri kai hmuhchhuah atanga za zela 98.78 te chu enkawl dam ni tawhin tunah hian hri kai enkawllai 44 an la awm mek a, hri kai zingah nunna chan mi 9 an awm tawh bawk a ni.