Latest News

Hri kai mi 62 hmuh belh leh

Nimin khan Serchhip District-ah COVID-19 hri kai mi 62 zet hmuhchhuah belh leh an ni a, hri kai hmuhchhuah thar zinga a tam zawk te hi Serchhip khawpui chhung ami te niin Khaw-bel-ah mi 13 hmuh belh an ni a, Thenzawl-ah pawh hri kai pakhat hmuh a ni bawk.

Mizoram Police-ah post ruak 3572 awm

Mizoram Police hnuaiah post 12,206 awm mekin heng zinga 3572 te chu hnawhkhah an ni lo.

Mizoram (Mizo District tih thin) chu Union Territory-a hlankai a nih ni, January 21, 1972 khan IGP Mizoram hmasa ber ni turin Inderjit Verma chuan charge a la a. He ni hi Mizoram Police din tan ni-ah pawm a ni a, Mizoram Police din tan tirh lai hian Mizoram Police hnuaiah Unit pali (4) chauh ala awm a. Police Station paruk (6) awmin, Police mi leh sa zawng zawng pawh zahnih (200) bawr chauh an ni a. Heng hunlai hian Armed Battalion hranpa din a ni lova, District pathum-ah District Armed Branch an awm thin a ni.

Tun dinhmunah chuan Mizoram Police hnuaiah hian Police District 11, Sub-Division 18, Police Station 40, Special Police Station 3, Police Out-Post 13 a awm tawh a. Armed Battalion 8 (MAP Battalion 3 leh IR Battalion 5) a awm a, Border Out-Post 23 a awm bawk a ni. Heng bakah hian Unit dang 6 a la awm bawk. Mizoram Police hnuaia post awm zawng zawng hi 12,206 a ni a, hemi atang hian post 8634 chu hnawhkhah niin post ruak 3572 a awm mek a ni.

Comments

Chhiar Hlawhte