Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Ruihhlo ngaite enkawlna kalpui dan tur sawiho

Social Welfare Department-a Secretary, HL. Rochungnunga hovin nimin khan Mizoram a pawl hrang hrang (Home/Centre) ten ruihhlo ngaite enkawlna an kalpui dan tur, Accreditation Committee for The Mizoram Drug Treatment Cum Rehabilitation Centres hmanga duan kalpui dan tur an sawiho.

He sawihona SAD Conference Hall-a neih ah hian Social Welfare & Tribal Affair Director, A. Vanlalzawni chuan Accreditation Committee din chhan te leh hmalakna hrang hrang te a sawi a. Mizoram Social Defence & Rehabilitation Board-a CEO, Lalhlu-puii Sailo pawhin ‘The Mizoram Drug Treatment-Cum-Rehabilitation Centre (TRCS) Accreditation (Amendment) Rules 2020’ Mizoram Sawrkarin a duan chu sawifiahin, a kalpui dan tur te a sawi bawk.

He Accreditation-in a tum ber chu Mizoram-a pawl hrang hrang ten ruihhlo ngaite enkawlna an kalpui dan tur mumal taka duan (Minimum Care for the Services) hmanga inenkawlna kalpui tura zirtirna pek leh kawng kawhhmuh a ni a. Hei vang hian Pawl hrang hrangin ruihhlo ngaite enkawlna an kalpui danah Inenkawl dan tur Mizoram Sawrkarin mumal taka a duan, Standard Operational Procedure (SOP) angin an kal em, tih chu tehfung hrang hrang hmang te a endik thin a ni anga, Dan in a phut anga enkawlna kalpui mumal theilo te chu zirtirna te pein, kaihhruai anni ang a, chuta la zawm ve theilo te chu hnawl (disqualified) theih an ni dawn a ni.

Heng endikna te kalpui a hma la tur hian Accreditation Committee chu Secretary, Social Welfare Department Chairman-na hnuaiah din a ni a. District tin-ah District Social Welfare Officer (DSWO) Chairman-na hnuaiah Inspection team hi din tur ani a, Inspection team te hian tehfung hrang hrang hmangin Centre te hi an awmna hmunah endikin, Accreditation Committee report pe in Accreditation hi kum 2 atan an pe dawn a ni.

Comments

Chhiar Hlawhte