Latest News

DCHC hmang tawh dawn rihlo

Serchhip Tarpi tlang-a Dedicated Covid Health Centre (DCHC) chu khar tura ruahman niin Nursing School CCC-ah COVID-19 hri kai te chu enkawl zui theih tura ruahman a ni.

Thudawn danin Serchhip Tarpi tlang-a Dedicated Covid Health Centre (DCHC) hi SIRD&PR building niin nikum lama COVID-19 hri a rawn len khan Serchhip District atanga COVID-19 hri kai hmuh-chhuah te zinga natna lanchhuahna nei te enkawlna hmun, DCHC atan hian ruahman a ni a, tunhnai ah hri kai hmuhchhuah an tlakhniam tak zel avang leh hri kai hmuhchhuah zingah natna lanchhuahna nei enkawl tur an awm tak meuh loh bakah a building neitute hian hman an mamawh ve tawh si avangin DCHC hi khar tura ruahman a ni a, nimin khan Serchhip District-a Covid Team hrang hrang te chuan hnatlang neiin a building leh a chhehvel thenfai hna leh an bungrua lakchhuah hna te an thawk a ni.

Serchhip Tarpi tlang-a Dedicated Covid Health Centre-ah hian hri kai mi 15 enkawl hman an ni.

Comments

Chhiar Hlawhte