Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

NEC-a UC thehluh-ah Mizoram in a titha ber

North Eastern Council (NEC) Plenary Meeting vawi 68-na neih zawh takah Mizoram chu Hmarchhak State 8 te zingah Utilization Certifiate (UC) thehluh tur pending nei tlem ber anih thu tarlan a ni.

NEC hnathawh kallai mekah Utilization Certificate (sum pek tawh hman zawhna lehkha) thehluh tur 309, cheng vbc, 479.84 a awm mek a. Mizoram chuan UC Pending 5 chiah neiin hei hi cheng vbc. 5.26 a ni a, hetihlai hian UC Pending nei tam ber chu Arunachal Pradesh niin UC la thehluh lo 63 neiin hei hi cheng vbc. 65.52 senna a ni.

Mizoram hi UC pending nei tlem ber a nih lai hian a dawt chu Tripura niin UC pending 12 neiin, cheng Vbc. 25.38 hu a ni a. Assam State chuan UC pending 39 neiin cheng Vbc. 51.61 hu a ni a, Manipur State in UC pending 50 neiin cheng Vbc. 63.26 hu a ni. Meghalaya UC pending 12 neiin cheng Vbc. 21.41 hu a ni a, Nagaland State in UC pending 40, cheng Vbc. 50.56 hu leh Sikkim State in UC pending 15, cheng Vbc. 17.22 hu a nei bawk. Central Agency leh a dang ten UC pending 61, cheng Vbc. 179.62 hu an nei mek bawk a ni. 

Comments

Popular News (Last 30 Days)