Serchhip SP sawn a ni

/

Serchhip District Superintendent of Police, R. Sathiyasundaram IPS chu Delhi-a awm tura sawn niin nimin khan Serchhip SP Office-a thawktu ten an thlah.

Serchhip SP Conference Hall-a SP kalchhuak tur thlahna hun hi Serchhip SDPO, Kaste Romalsawma chuan kaihruaiin SP kal-chhuak tur, R. Sathiyasundaram chuan Serchhip-a a awm tirh atanga a chhuah dawn thlenga a thawhpui te chungah lawmthu sawiin, thawh-hona tha tak an neih avanga a lawm thu a sawi a. Serchhip Addl. SP, PC. Laltanpuia pawhin Serchhip SP sawn a ni chu an ui thu sawiin, SP in a ho na thin ah lawmawm a tih thu leh thawhpui nuam a tih thu a sawi a. Serchhip SP kalchhuak tur, R. Sathiyasundaram chu a hnathawhna leh sum leh pai-ah mi rinawm tak nia a hriat thu sawiin, entawntlak a tih thu a sawi bakah a hna thawhna zel turah duhsakna a hlan bawk a ni.

Serchhip SP kalchhuak tur, R. Sathiyasundaram hian kum 2018 August 10 khan Serchhip SP hna hi a rawn thawk tan a, hemi hnu hian Mamit SP hna leh AIG-III hna te hun reilote chelhin tunah chuan Delhi-a awm turin sawn a ni ta a, a aiawh tur hi sawrkar in a ruat hriat ala ni lo thung.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »