Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Property Tax-ah cheng nuai 301 hmuh a ni

Aizawl Municipal Corporation (AMC) in kum 2020-21 atana Property Tax an lak atangin cheng nuai 301 hmuh a ni.

    AMC hotute sawi danin kum 2020-21 a Property tax atanga cheng nuai 301 an hmuh hi AMC-in Property Tax a lak tan atanga sum luh tam ber kum a ni a, kum liamta 2019-20 aiin 2020-21 a sum hmuh hi cheng nuai 2 chuangin a tam zawk a, kum 2019-20 chhunga an sum hmuh chu cheng nuai 298.94 an hmu a ni. Property Tax hi sawrkar kum 2015-16 atanga khawn niin a tirah Rs. 111,18,000/- hmuh niin, kum 2016-17 cheng nuai 220.03 hmuh a ni a, kum 2017-18 ah cheng nuai 275.85, kum 2018-19 ah cheng nuai 284.70, kum 2019-2020-ah cheng nuai 298.94 leh kum kal mek 2020-2021-ah cheng nuai 301 hmuh a ni.

Comments

Chhiar Hlawhte