MZP Champhai in building sak zawh tawh tlawh

MZP Hqrs. Champhai chuan Champhai-a Polytechnic, Nursing College leh ITI te chu Department thenkhat-ah tal kum 2021-2022 Session atanga zirna tan an beisei thu an sawi.

    MZP Hqrs. Champhai hian niminpiah khan Champhai-a sawrkar building, sum tam tak seng a sak tawh leh la function theih si loh Polytechnic, Nursing College leh ITI Building te chu tlawhin, heng building te hi luah loh-a rawih lam a pan mek zel a nih avangin pawi an tih thu an sawi a. Hripui leng mek avangin Zirlai tam takin hmunpui lam an pan theih loh avangin heng building, sawrkar hmasa a sak tawh te hi a function theih nan theih-tawp chhuah turin sawrkar an phut thu leh vawi tam tak sawrkar-a thlen a nih tawh hnu-ah pawh ngaihsak a la hlawh lo chu rilru nat thlak an ti takzet tih an sawi a ni.

MZP Hqrs. Champhai chuan a ruala heng zirna te hi a tan theihloh a nih pawhin Department thenkhatah tal kum 2021-2022 Session atanga zirna tan theih turin sawrkar an beisei tlat tih an sawi a. Hemi chungchangah pawh hian Champhai DC pawhin zirlai mamawhna leh harsatna hriain sawrkar-ah pawh alo thlen tawh niin an sawi bawk.